"Насаф" клуби "Аҳал" устидан қозонилган ғалабадан сўнг яхшигина пул ишлаб олди ва жамоага яна бонус ҳам тақдим этилади

"Насаф" ОФК кубоги доирасида "Aҳал" жамоаси устидан ғалаба қозониб (3:2), қоида бўйича 100 минг AҚШ долларига эга чиқди.

Ўйин якунида Қашқадарё вилояти ҳокими Зойир Мирзаев ҳам жамоага 100 миллион сўм ажратадиган бўлди. Бу ҳақда вилоят ҳокимлиги матбуот хизмати хабар берди.

- Бу ғалабалар ортида юрт шаъни ва нуфузи турибди. Рағбат ва тилак эса футболчиларни янада ҳаракатчан бўлишга, ғалаба сари олға боришга ундайди, - деди табрик сўзида Зойир Мирзаев.

ОФК "Насаф" - "Аҳал" учрашуви ғолиби, яъни ярим финал иштирокчисига 100 минг АҚШ доллари миқдорида маблағ беради.