Кариуснинг "Ливерпул"га қайтиши ҳақидаги хабарлар ёлғон бўлиб чиқди

Мавсумни "Бешиктош" сафида ижара асосида ўтказаётган “Ливерпуль” дарвозабони Лорис Кариуснинг агенти Флориан Голль  мижозининг қишда яна “Энфилд”га қайтиши ҳақидаги хабарларни инкор этди.

“Кариус “Бешиктош”нинг асосий дарвозабони ҳисобланади. У ҳар бир ўйинда майдонга тушмоқда ва ўзини жуда яхши кўрсатмоқда. Албатта, клуб ҳам уни қўйиб юбормоқчи эмас. Эълон қилинган хабар – мутлақо ёлғон. Бу миш-мишлар қаердан пайдо бўлишини тасаввур қилолмайман”, - дейди агент.

Маълумот учун, Кариус жорий мавсум “Бешиктош” сафида жами 10та ўйинда майдонга тушди ва ўз дарвозасидан 15та гол ўтказиб юборди.