Ronel Iglesias Riodagi mag‘lubiyat uchun Shaxram G‘iyosovdan revansh oldi

​O‘zbek bokschilaridan tashkil topgan “Uzbek Tigers” jamoasi Jahon Boks Seriyalarida (World Series of Boxing) o‘z yurishlarini davom ettiradi. Bu safar ular ushbu musobaqaning chorak final javob uchrashuvida Kuba poytaxti Gavana shahrida “Cuba Domadores” bokschilariga qarshi jang qilishmoqda.

Hamyurtlarimiz Jasurbek Latipov hamda Elnur Abduraimovning chiqishlaridan so‘ng, ringga 69 kg vazn toifasida Shaxram G‘iyosov chiqib keldi. O‘z vazn toifasida Osiyoning tengsiz bokschisi hisoblangan Shaxram ushbu jangda kubalik Ronel Iglesiasga qarshi ajoyib tarzda jang olib boradi.

Keskin zarbalar almashinuvi bilan o‘tgan birinchi raundni o‘z foydasiga hal etgan raqib jamoa bokschisi keyingi raundlarda ham ustunlikni qo‘ldan boy bermadi.

Yakunda ochkolar bo‘yicha Ronel Iglesias g‘alabani qo‘lga kiritdi va Riodagi mag‘lubiyat uchun Shaxram G‘iyosovdan revansh oldi

Umumiy hisob

"Cuba Domadores" 5:3 "Uzbek Tigers"

• O‘zbekistonlik Osiyo chempionlari "Cuba Domadores" vakillarini mag‘lub eta olmadi 

• Jang davomida ustunlik qilgan Bektemir Meliqo‘ziev mag‘lub etildi 

• Elnur Abduraimov ham taslim etildi. Kubaliklar hisobda oldinga chiqib olishdi

• Osiyo chempioni Jasurbek Latipov Kubada mag‘lub etildi

• WSB. Shaxram G‘iyosov Rioda taslim etgan raqibini qayta sinovdan o‘tkazadi

• WSB. Elnur Abduraimov uch karra jahon chempionini mag‘lub eta oladimi?

• WSB. Yosbani Veytia - Jasurbek Latipov qarama-qarshiligida kimni imkoniyati qanday?