Хитой Супелигаси: Мавсум олдидан амалга оширилган топ трансферлар

Эртага Хитой Супелигасига ҳам старт берилади. Мазкур чемпионат биз учун ҳам бегона эмас. Боиси, терма жамоамизнинг 3 нафар забардаст йигитлари айни вақтда Чин юртида чиниқишмоқда. Биз ҳам шу муносабат билан янги мавсум аввалида Хитой Суперлигасида амалга оширилган топ трансферлрни эътиборингизга ҳавола этамиз.

Ла лига: Тарихий натижалар ва статистикалар(2-қисм)

90 йилларда испан клублари қандай либосларда ўйнашган

Аксель Витсель

“Зенит”дан “Тяньцзинь Цюаньцзян”га 20 млн евро эвазига

“Ювентус” таклифи рад этган Витсель мўмай маош туфайли Хитой вариантини танлади. Нима ҳам дердик, йилига салкам 25 млн  евро маош оладиган белгиялик футболчи Осиё футболига қандай мослашиб кетишини эса вақт кўрсатади.

Футбол тарихидаги энг совриндор 5 мураббий

Одил Ахмедов

“Краснодар”дан “Шанхай СИПГ”га 7 млн евро эвазига

Терма жамоамиз сардори ҳам янги йил олдидан Хитойдан тушган таклифга рад жавобини бермаган эди. Оскар, Халк каби юқори техникали футболчилар билан бирга тўп суриш Одилга келажакда терма жамоада асқотиши мумкин.

Ла лига: Тарихий натижалар ва статистикалар(1-қисм)

Карлос Тевес

“Бока Хуниорс”дан “Шанхай Шеньхуа”га 10,5 млн евро эвазига

Тевес Хитойда йилига 37,5 млн евро ишлаб топади. Бундай маошни Месси ва Роналду ҳам олишмайди, сизга айтсак. Аммо жамоасини ОЧЛ гуруҳ босқичига олиб чиқа олмаган Тевеснинг йиллик мояннаси шунчага тенгдир.

Хонатан Сориано

“Ред Булл Зальцбург”дан “Бейжинг Гуоан”га 10 млн евро эвазига

Австрия “буқалари” сафида 144 та ўйин ўтказиб, рақиблар дарвозасига 120 бор тўп киритган Сориано “Бейжинг Гуоан” клуби мутасаддиларига ёқиб қолди шекилли, 31 ёшли футболчига 8 млн евро маош тўлашга рози бўлишди ва уни ўз сафларига қўшиб олишди.

Эрнанес

“Ювентус”дан “Хебей Чайна Форчун”га 8 млн евро эвазига

“Юве”нинг ЕЧЛ плей-офф босқичи учун топширган қайдномасига киритилмаган 31 ёшли футболчи эндиликда фаолиятини Мануел Пеллегрини бошлиқ “Хебей Чайна”да давом эттиради. Қайд этиш жоиз, Эрнанесдан ташқари мазкур клубда Эсьекел Лавесси ва Жервиньолар ҳам тўп суришади.

Одион Игало

“Уотфорд”дан “Чанчун Ятай”га 23 млн евро эвазига

Игало Анзур Исмоилов билан бирга тўп тепиш учун “Уотфорд”ни ташлаб, “Чанчун Ятай”га келиб қўшилди. Та`кидлаш жоиз, Игало Хитойда ҳафтасига 200 минг евро ишлаб топмоқда.

Жон Оби Микел

“Челси”дан “Тяньцзинь Тэда”га бепул

“Челси”даги фаолияти билан яхши таниш бўлган Микел ҳам Хитой вариантини ма`қул кўрди ва “Тэда сафига келиб қўшилди. Унинг ҳафталик маоши эса таҳминан 165 минг еврога тенгдир.

Оскар

“Челси”дан “Шанхай СИПГ”га 60 млн евро эвазига

Қишда “Челси”ни тарк этган яна бир футболчи бу Оскардир. Бразилиялик футболчи учун шанхайликлар “аристократлар”га оз эмас, кўп эмас 60 млн евро тўлашди. Футболчининг ўзига эса йилига 21 млнлик маош белгилашди. Бор йўғи шу…

Алешандре Пато

“Вильяреал”дан “Тяньцзинь Цюаньцзян”га 18 млн евро эвазига

Пато яна олдинги даражага қайтиш учун “Вильяреал”га келган эди. Аммо “сариқ субмарина” уни яхшигина маблағ эвазига сотиб юборди. Эндиликда бразилиялик форвард Фабио Каннаваро бошчилигидаги “Тяньцзинь Цюаньцзян”да тўп суради.

Шаҳзод Холбоев тайёрлади

Фикрлар

Фикр қолдириш учун авторизациядан ўтинг!