Асосий таркиб ўйинчисига айланган Шомуродовнинг ўйини қандай баҳоланди?

Италия А Сериясининг 28-турида “Рома” сафарда “Эмполи” меҳмони бўлиб, қимматли уч очкони қўлга киритди. “Бўрилар” Матиас Суленинг 22-сонияда киритган тезкор голи эвазига чемпионатда кетма-кет бешинчи ғалабасини нишонлади.

Захира ўйинчисидан бошланғич таркиб футболчисига айланган Элдор Шомуродов бу гал 72-дақиқа ҳаракат қилди. 29 ёшли форвардимиз икки бор гол уришга яқин келди. Дастлаб, унинг зарбаси дарвоза тўсинига теккан бўлса, кейингисида дарвозабон маҳорат кўрсатди.

“Рома” фаолиятини ёритиб келаётган https://www.siamolaroma.it сайти экспертлари пойтахтлик футболчиларнинг ўйинини қуйидагича баҳолади.

СВИЛАР 6.5:

Эспозитонинг зарбасини қайтара олди. Бироқ кейин мезбонлар унинг дарвозасига хавф туғдира олгани йўқ. Ҳимоячилар билан яхши ҳамкор қилди.

НЕЛЬССОН 6.5:

Жуда эътибор билан ўйнади, тўпларни эгаллаб олишда фаоллик кўрсатди. Рақиб ҳужумларини бир неча бор қайтаришга эришди.

ХУММЕЛЬС 7:

Бошланғич таркибга бежиз қайтмаганини кўрсатиб қўйди. Нафақат ҳимояланишда, балки қарши ҳужумларни ташкил қилишда ҳам жонбозлик кўрсатди. Бирор маротаба хато қилгани йўқ.

НДИКА 6.5:

Рақиб ўйинчиларидан Коломбо ва Эспозитони тўлиқ ёпиб қўйди. Бу гал  бехато ўйнади. “Эмполи” дарвозаси томон ҳам юриш қилди.

САУД 6:

Уч ойдан кейин бошланғич таркибга қайтган саудиялик футболчи жамоага тез мослаша олди. Доимий тарзда ҳужумга қўшилиб турди. Иккинчи бўлимда фаоллиги пасайгани учун Раньери уни захирага олди.

КОНЕ 7:

Франциялик футболчининг ажойиб ўйини “Эмполи” ярим ҳимоясини бўлиб ташлади. Коненинг ўзи мезбон ўйинчилардан икки-уч нафари назорат қилди. Шунга қарамай, ҳужумкорликда ижодкорлик етишмади.

ПАРЕДЕС 7:

Плеймейкер сифатида устунлик қила олди. Узун паслар узатишда бехато ўйнади. Юқори даражада ҳаракат қилди.

ПЕЛЛЕГРИНИ 7:

Пеллегрини анчадан бери бунақа кўп югурмаган эди. Кенг майдон бўйлаб кураш олиб борди. Бирорта жиддий камчилик кузатилмади. Жамоадошлари, хусусан, Элдор Шомуродовни ажойиб пас билан қулай вазиятга чиқарди.

САЛОҲИДДИН 6.5:

Энг яхши сифатларини намойиш қила олди. Матиас Сулега голли пас узатди. Мана шу ягона гол римликларнинг ғалабасини таъминлади. Айрим хатолар кузатилди.

СУЛЕ 7.5:

Чап оёқ билан биринчи зарбасиёқ “Эмполи” дарвозасидан жой олди. Ҳужум уюштириш, жамоадошларига пас узатишда фаоллик кўрсатди. Коне ва Шомуродовни қулай вазиятга чиқарди.

ШОМУРОДОВ 6:

Жуда фаол ўйнади, майдон ичкарисидан ҳужум уюштиришга эътибор қаратди, жамоадошлари узатган пасларнинг барчасини қабул қилиб олди. Рақиб ҳимоячиларига мунтазам босим уюштиришга ҳаракат қилди. Элдор икки бор гол уриши мумкин эди. Бироқ ҳар иккала зарбаси дарвоза тўригача етиб бормади.

ДОВБИК 6:

Элдор Шомуродовнинг ўрнини эгаллаган ҳужумчи гол уришга ҳаракат қилди. Бироқ Бальданци юзага келтирган вазиятдан унумли фойдалана олмади.

БАЛЬДАНЦИ 6.5:

Ҳар доимгидек фаол ҳаракат қилди. Довбикка қулай вазият яратиб берди.

РЕНШ 6.5:

Захирадан ўйинга қўшилган ҳимоячи жисмоний жиҳатдан устунлигини кўрсатди. Ренш бу гал ҳам бехато ҳаракат қилди. Жиддий тарзда курашди.

КРИСТАНТЕ 6:

Рақиб майдон марказида устунликни қўлга ола бошлагач, Раньери ўйинга Кристантени қўшди. Тажрибали футболчи ўзига юкланган вазифани уддалади.

АНЖЕЛИНО 6.5:

Анжелинога жамоадаги асосий фигуралардан бири эканини намойиш қилиш учун йигирма дақиқа ўйнагани кифоя қилди. Рақиб ўйинчиларини анча қийнаб қўйди.

РАНЬЕРИ 7.5:

Асосий таркибда 9 нафар ўзгариш қилди. Жамоа етакчиларига дам берди. Шунга қарамай, жамоаси ғалаба қозонишни уддалади. Клаудио Раньери қўл остида римликлар енгилмас жамоага айланиб бормоқда.

Раньери гол уролмаган Шомуродовга нима деганини айтди!

Ҳусановни олиб қолиб, қолганларни сотиб юбор!

Гвардиола ва Файзуллаев Ҳусановга қандай баҳо берди?

Аббосни Европада кутишяптими? Машҳур агент Ҳусанов ва Файзуллаевнинг фарқини айтди!