Аббосни Европада кутишяптими? Машҳур агент Ҳусанов ва Файзуллаевнинг фарқини айтди!
2025 йилни Европадаги футболчилари ажойиб натижалар билан бошлади. Абдуқодир Ҳусанов “Манчестер Сити”нинг, Элдор Шомуродовнинг “Рома”нинг февраль ойидаги энг зўр ўйинчиси бўлди.
Ўзбекистон миллий терма жамоасининг бу икки юлдузининг кучли бешлик лигаларида порлаётгани қолган футболчиларимизга, хусусан Аббосбек Файзуллаевнинг Европага кетишига йўл очадими?
Машҳур футбол агенти Дмитрий Селюк ЦСКАда иккинчи мавсумини ўтказаётган Аббосбек Файзуллаевнинг ўзига хос хусусиятлари ва “топ-лигалар”га кетиш имконити ҳақида фикр билдирди.
Sports.uz портали ушбу интервьюни ўзбекистонлик футбол ишқибозлари эътиборига ҳавола этади.
– Ҳусанов ва Шомуродовнинг муваффақиятлари ортидан ЦСКА Аббосбек Файзуллаевни Европага катта суммага трансфер қила оладими?
– Аслида футболчиларни миллатига қараб эмас, муайян сифатлар ва маҳоратига қараб трансфер қилишади. Файзуллаев яхши ўйинчин, бунга ҳеч қандай шубҳа йўқ. Лекин унинг жисмоний кўрсаткичлари камлик қилади. Шунга қарамай, унга ўхшаган ўйинчилар Испанияда жуда кўп.
Бироқ Ҳусанов ва Шомуродов ажралиб туради. Ниманинг эвазига? Мисол учун Абдуқодирнинг бўйича 190 сантиметрга яқин ва ўта тезкор. Файзуллаевнинг эса, унга нисбатан техникаси кучли, аммо жисмоний кўрсатикичлари пастроқ. Шунга қарамай, ҳар қандай футболчининг харидори бўлади.
Бугун атлетик футбол устун. Ўша техникаси зўр бразилияликлар ҳам жаҳон чемпионатларидан эрта чиқиб кетяпти. Фақат техникага таяниб, узоққа бориб бўлмайди. Ҳозир жисмоний кўрсаткичлар муҳимроқ.
Арсен Захаряннинг “Челси” ўтиши муҳокама қилинганди. Қанақа “Челси”? у Сан-Себастьян жамоасида ҳам жароҳатдан боши чиқмаяпти. Англия футболи олдида испанларники балет-ку.
Мен Россия футбол уюшмаси миллий чемпионат манфаатларига хизмат қиладиган молиявий фэйр-плей жорий қилишини истардим. Мисол учун “Спартак” Ливай Гарсияга 20 миллион евро сарфлаяпти, бошқа клубларнинг йиллик бюджети 10 миллион еврони ташкил қилади.
– Лекин ЦСКА Файзуллаевни 500 минг еврога олган-ку...
– Йўқ, бу трансфер бўйича ҳаммаси жойида. Аббос яхши ва сифатли футболчи. Лекин ЦСКА бош мураббийи Марко Николичнинг ўйин схемасини ўзгартиришидан кейин Файзуллаев ўз позициясини йўқотяпти.
Бош мураббий ўзи жорий қилаётган “ромб” услубини Миралем Пьяничга мослаяпти, унинг ёшига эътибор бермасдан, мунтазам ўйнашига шароит яратмоқда. Бу қандай самара беришини ҳозирдан баҳолаб бўлмайди. Бир нечта учрашувдан кейин ҳаммаси аён бўлади.
– Сиз Марказий Осиё футбол бозорини қандай баҳолайсиз? У ерда яхши ўйинчилар кўпми?
– Мен ҳозир тожик футболига рўбарў келдим. Чунки у ерда Черевченко мураббий бўлиб ишлаяпти. Унинг қўл сотида менинг ўйинчиларим бор. У ерларда ҳам яхши йигитлар кўп.
Осиёдан жуда сифатли футболчиларни топиш имкони бор. Чунки улар ўз менталитетидан келиб чиқиб, жуда меҳнаткаш бўлади.
Ўзбекистон жамоалар жуда яхши ўйнайди. У ерлардан қидирган истаганини топа олади.
Эслатиб ўтамиз, Аббосбек Файзуллаев 2023 йилнинг ёзида “Пахтакор”дан ЦСКА кўчиб ўтган эди. Россия Премьер-лигасида ўз маҳоратини намойиш эта олган ҳужумкор футболчимизга “Парма”, “Бавария”,”Монако”, “Реал Сосьедад” каби жамоалардан қизиқиш бўлгани ҳақида хабарлар тарқатилган эди. Бироқ, 21 ёшли футболчимизнинг ҳали “топ-лигалар”га йўли очилгани йўқ.
Фикрлар