"Атлетико" бугун "Барселона"га қарши қандай тактикада ўйнайди?

“Атлетико” Мадрид клуби бош мураббийи Диего Симеоне бугун Ла Лиганинг 33-туридан ўрин олган “Барселона”га қарши ўйин олдидан ўз фикрини билдириб ўтди.

“Атлетико”ни ажойиб футболчилар тўп сурадиган дунёнинг энг кучли жамоасига қарши ўйин кутмоқда. “Кўк-анор ранглилар” мавсум охиригача қўлларини кўтаришмайди, чунки улар ғалабага ўрганиб қолган.

Менинг шогирдларим “Барселона”га қарши  жуда кўп марта ўйин ўтказишган, бизнинг тактикамиз аввалгиларидан у қадар ҳам фарқ қилмайди. Биз ҳимояда жуда эҳтиёткорлик билан ўйнаймиз”, - дейди аргентиналик мутахассис.

Эслатиб ўтамиз, “Барселона” – “Атлетико” баҳси бугун Тошкент вақти билан соат 01:00 да бошланади.