Ахир бу ишни Шомуродов уддалади-ку!

Россия матбуоти мамлакатнинг энг машҳур футболчиларидан Алексей Миранчукнинг “Аталанта”дан  “Рома”га ўтиши мумкинлиги ҳақидаги хабарларни шарҳлашга уринмоқда. Руслар Рим клубини алоҳида кузатиши ҳеч кимга сир эмас. Биринчидан, бу жамоани бутун дунё футбол ишқибозлари эътиборида турган Жозе Моуриньо бошқармоқда. Иккинчидан, Россия чемпионатидан етишиб чиққан Элдор Шомуродов “бўрилар” шарафини ҳимоя қилиб келмоқда.

Журналистлар Миранчукнинг “Рома”га ўтишига Россия футболи мутахассислари муносабатини ўрганди.

Игорь Коливанов (“Фоджа” ва “Болонья”нинг собиқ футболчиси):

Миранчук – ажойиб футболчи. Унинг техникаси, чап оёқдаги зарбалари ва ўйинни тушунишини алоҳида таъкидлайман. Охирги икки йил у жуда кам ўйнади. Агар у “Рома”га ўтса, энди барча умид Жозе Моуриньодан бўлади.  

Мен Моуриньо Миранчукка майдондан жой топиб беришига ва ҳамюртимиз асосий таркибда ўйнашига умид қиляпман. Ахир Элдор Шомуродов бу ишни уддалади-ку!

21aa32767aca03fe39bb24170bdce6d3

Николоай Наумов: (“Локомотив” клуби собиқ президенти):

Миранчук учун Рим клубига ўтиш жуда катта ютуқ бўлади. “Аталанта”да Алексейнинг ишлари юришгани йўқ. Агар бу трансфер амалга ошса, унинг кетиши фойдали ҳисобланади ва ўсиш бўлади. Охир-оқибат трансфер юз берса, бу “Рома” Миранчукнинг салоҳиятини кўра олганидан далолатдир. Алексей Римда аввалгидек ўйнаб кетиши мумкин.

“Аталанта”да қолишдан фойда йўқ. Миранчук “Рома”да ҳам асосий таркибга кириш учун курашиши мумкин, шунга тезроқ кетиш керак. Унга мураббийлар штаби ишонч билдирмаётгандек кўринмоқда.

Ҳаттоки, Марадона сингари буюк футболчи ҳам ҳамма жамоада ўйнаб кета олмаган ва “Наполи”да ўзини кўрата олган. Ҳали вақт бор, Алексей ёш, Рим клубида ўзини синаб кўрса арзийди.

aleksej-miranchuk-mozhet-perejti-iz-atalanty-v-romu-kluby-provedut-peregovory_1657699616103543111

Руслан Нигматуллин (“Верона” жамоаси собиқ дарвозабони):

Ҳақиқий қизиқиш бўлишини кутиш керак, деган фикрдаман. Алексейга ҳозир кўпроқ ўйин амалиёти берадиган ҳар қандай жамоа тўғри келади. “Рома” масаласига келсак, бу имконсиз вариантдек кўринмоқда.

“Рома” айни пайтда “Аталанта”дан кучли ва табиийки, Рим клубида рақобат ҳам юқори даражада. Захирага ўтириб қолган ўйинчининг топ-клубга ўтишига ишониш қийин.

26 ёшли Алексей Миранчук Москванинг “Локомотив” жамоаси тарбияланувчиси ҳисобланади. Бу футболчи худди Элдор Шомуродов сингари 2020 йили ёзги трансферлар даврида А Серияга йўлланма олган.

photo_2022-07-13_13-53-43

“Аталанта” ўша пайтда ҳужумкор футболчи учун москваликларга 14,5 миллион евро тўлади. Миранчук икки мавсумдан бери бергамоликларнинг асосий таркибига киришга қийналмоқда. Бу давр мобайнида Алексей А Серияда жами 44 маротаба майдонга тушиб, олтитадан гол ва ассист қайд этди.

Миранчук фаолияти давомида умумий ҳисобда 298 та учрашув ўтказиб, 55 та гол ва 53 та ассист муаллифи бўлган. Бир неча позицияда ўйнай оладиган чарм тўп устаси 2015 йилдан бери Россия миллий терма жамоаси аъзоси ҳисобланади. У мамлакати бош жамоаси учун 41 та учрашувда олтита гол урган.

“Аталанта” билан амалдаги шартномаси 2024 йилнинг ярмигача давом этадиган ўйинчининг трансфери 10 миллион еврони ташкил қилади.

Ўрунов премьер-лига клуби кўригида қатнашгани бормади! Энди нима бўлади?

Бу трансферлар амалга ошса, Шомуродов “Рома”дан кетгани маъқул!

Моуриньо Шомуродовни нега Римда олиб қолди?

Ана холос! Легионеримизнинг трансфери барбод бўлди!

Ўруновнинг ишлари юришиб кетди. Остонга Москва клуби ҳам харидор!

           

Фикрлар

Фикр қолдириш учун авторизациядан ўтинг!