“Барса” жароҳат туфайли футбол ўйнолмай қолган Фати ўрнига янги футболчи топди

“Барселона”нинг энг катта умиди бўлган Ансу Фати жароҳатга учраб, операция қилинди. 18 ёшли ҳужумкор футболчи бу йил бошқа ўйнай олмайди.  Каталонияликлар унинг ўрнини эгаллайдиган футболчи топди.

Маълумотларга қараганда, Фатининг ўрнига асосий таркибга ёшлар жамоасида ўйнаётган 19 ёшли Конрад Де Ла Фуэнте қўшиб олинади. Америкалик бу футболчи “Барселона” академиясига 2013 йилда қабул қилинган ва иккинчи жамоа таркибида икки йилдан буён тўп тепмоқда.

Конрад иккинчи жамоа ўйинчиси бўлишига қарамай, асосий таркиб машғулотларида ҳам мунтазам шуғулланиб келади ва унинг ҳаракатлари Рональд Куманга маъқул келмоқда. Энди нидерландиялик мутахассис ёш футболчига имкон беришга қарор қилди.

Куман ҳайдаган ўйинчига янги харидор чиқди

Месси захирада ўтириб ҳам рекордларни урмоқда

Матнда хатолик топсангиз, ўша хатони белгилаб, бизга жўнатинг (Ctrl + Enter)