Бунақаси бўлмаган: Файзуллаев бешта ҳужумчи бор таркибга кирди!
Россия футболини ёритиб келаётган “Советский спорт” газетаси “Рустат” статистика ва таҳлил платформаси билан ҳамкорликда Россия Премьер-лигасининг 24-тури якунлари бўйича рамзий терма жамоа тузиб чиқди.
Бу галги рамзий жамоадан “Сочи”, “Локомотив”, ЦСКА ва “Зенит”дан иккитадан футболчи киритилган.
Энг қизиғи, рамзий терма жамоадагиларнинг беш нафари ҳужумкор футболчилардир. Мутахассислар рамзий терма жамоани тузишда ҳали бунақаси бўлмаганини таъкидлаяпти.
24-турнинг рамзий терма жамоаси билан танишинг:
Дарвозабон: Николай Заболотний, “Сочи”
Чап қанот ҳимоячиси: Аттиятуллоҳ, “Сочи”
Марказий ҳимоячи: Максим Осипенко, “Ростов”
Марказий ҳимоячи: Страхиня Эракович, “Зенит”
Ўнг қанот ҳимоячиси: Илья Самошников, “Локомотив”
Таянч ярим ҳимоячи: Даниэль Мишкич, “Урал”
Чан қанот вингери: Аббосбек Файзуллаев, ЦСКА
Ўнг қанот вингери: Алекс Фернандес, “Балтика”
Марказий ҳужумкор футболчи: Максим Глушенков, “Локомотив”
Марказий ҳужумчи: Тамерлан Мусаев, ЦСКА
Марказий ҳужумчи: Матео Кассьерра, “Зенит”.
SOVSPORT.RU сайти эксперти Никита Корнеев Аббосбек Фпйзуллаевнинг ўйинини қуйидагича баҳолади.
- Аббосбек Файзуллаев “РЖД Арена” мезбонлик қилган пойтахт дербисининг энг яхши ўйинчиларидан бўлди. Ўзбекистон миллий терма жамоаси футболчиси учрашув давомида Тамерлан Мусаевга голли пас узатди. Аббос учта хавфли пасберди, жарима майдончасига ичига 12 марта тўп узатди, рақиб дарвозасига тўрт маротаба зарба берди, тўртта фол ишлади ва майдонда ёрқин ўйини билан ажралиб турди, - деб ёзди Никита Корнеев.
Дарҳақиқат, Аббосбек Файзуллаев “армиячилар”нинг учала голида бевосита иштирок этиб, ЦСКАни аламли мағлубиятдан қутқариб қолишга катта ҳисса қўшди. Легионеримиз биринчи голда Тамерлан Мусаевга голли пас берди. “Армиячилар”нинг иккинчи тўпи Аббосбекнинг кучли зарбасидан кейин киритилди. Бу вазиятда дарвозабондан қайтган тўпни Антон Забалотний дарвозага жойлади.
Ҳисобни тенглаштирган учинчи гол Аббосбек Файзуллаев бурчак тўпини рақиб жарима майдончасига қулай етказиб бериши натижасида киртилди.
ЦСКА навбатдаги учрашувини 20 апрель куни ўз майдонида “Ахмат” жамоасига қарши ўтказади.
Фикрлар