Фати “Барса”да қолмоқчи эмас
“Барселона”да яқин келажакда Мессининг ўрнини эгаллаши кутилаётган Ансу Фати каталонияликлар таркибида узоқ ушланиб қолмоқчи эмас.
У ҳали жамоа билан янги битим имзолагани йўқ. Клуб раҳбарлари 2019 йилда уч йилга тузилган ҳамкорлик шартномасини автоматик тарзда 2022 йилнинг ёзидан 2024 йилнинг июнигача узайтирмоқчи.
Лекин Фатининг манфаатларини ҳимоя қилаётган отаси ва таниқли агент Жорже Мендеш келишувнинг бир томонлама узайтирилишига қарши чиқмоқда.
ФИФА регламентига кўра, 18 ёшгача бўлган футболчилар билан уч йилдан ортиқ муддатга шартнома тузиш тақиқланади. “Барселона” Фати билан амалдаги битимни имзолаган вақтда футболчи 17 ёшда бўлган.
Фикрлар