Ҳужумчилар жанги: гол уролмаётган Шомуродов янги иқтидор Хёйлуннга қарши!

Элдор Шомуродов ўйнаётган “Специя” жамоасининг Италия чемпионатидаги вазияти қалтис ҳолатга келиб қолди.

Жамоани қутқариш учун кулган Леонарда Семпличи ҳали ўзига юклатилган вазифани қандай уддалаш йўлини топгани йўқ. Унинг қўл остидаги саккизта учрашувда футболчилар фақат бир марта – “Интер”ни сенсацион тарзда мағлуб этди.

Қолган  ўйинларда жамоа лигада қолиш учун курашаётган тўғридан тўғри рақиблари билан ҳам очко улашди. Натижада 32-турдан кейин хавфли зонанинг энг юқори поғонасида турган асосий таъқибчи “Верона” олти очколик фарқни йўққа чиқариб, “Специя”га етиб олди.

ff1746f2756659886f5cbe8ab1f0a106-quality_70Xresize_1Xallow_enlarge_0Xw_835Xh_0

Энди лигурияликлар мавсум охирига қадар босим остида тўп тепади. 33-турда Семпличи шогирдлари жиддий рақиб – “Аталанта” меҳмони бўлади. Бергамоликлар Европа Чемпионлар лигаси йўлланмаси учун курашаётган жамоа ва “Специя”дан ҳар томонлама кучли.

Лекин Семпличи шогирдлари ана шундай қудратли рақиб майдонида фақат ғалаба учун курашишга мажбур.

“Специя” ҳужумдаги муаммолардан қутилгани йўқ. Мавсумда 13 та гол урган Мбала Нзола ва асосий таркибга ёриб кирган Даниэль Мальдини бу гал ҳам жамоага ёрдам бера олмайди. Италиянинг деярли барча нашрлари ҳужум марказида Элдор Шомуродов ўйнашини ёзмоқда.

Ит алия футболини ёритиб келаётган нуфузли манба –  footballnews24.it  журналисти Алессандро Ди Ленарда бўлажак ўйинда икки ҳужумчи – Элдор Шомуродов ва Расмус Хёйлунн рақобатига эътибор қаратди.

Даниялик 20 ёшли ҳужумчи А Сериядаги дебют мавсумида 28 та ўйинда ўз ҳисобига еттита гол ёздириб қўйди. Ёш иқтидор эгаси “Аталанта” таркибидаги “бўрилар” – Луис Муриэль ва Дуван Сапата каби машҳур тўпурарларни рақобатда енгди ва жамоасининг асосий икки ҳужумчисидан бирига айланди.

Чемпионатнинг охирги қисми Шомуродовнинг иштаҳаси очиладиган палла ҳисобланади. Ҳамюртимиз “Женоа”да ўйнаб юрган пайтда сўнгги олтита учрашувда бешта гол уриб, тўпурарлик маҳоратини намойиш қилган. Ўшанда легионеримиз “Аталанта” дарвозасини икки марта ишғол қилган эди. Бу Шомуродов учун Италиядаги фаолиятида қайд этилган ягона дубль ҳисобланади.

“Аталанта” ва “Специя” турли турнирларда жами 7 маротаба тўқнаш келган. А Сериядаги бешта баҳсда бергамоликлар учта ғалаба ва икки дуранг қайд этган. Италия кубогидаги ягона ўйин ҳам “Аталанта” фойдасига ҳал бўлган. Бир марта ўтказилган ўртоқлик учрашувида “Специя” яна мағлуб бўлган.

Таниқли журналист Алессандро Ди Ленарда бўлажак баҳсда жамоалар қуйидаги таркибдан фойдаланишини тахмин қилмоқда.

“АТАЛАНТА” (3-4-2-1): Спортиелло; Толой, Жимшити, Скальвини; Мале, Де Роон, Эдерсон, Заппакоста; Купмейнерс, Бога; Хойлунд. Бош мураббий: Жан Пьеро Гасперини.

“СПЕЦИЯ” (4-3-3): Драговски; Амьян, Ампаду, Николау, Бастони; Экдаль, Бурабиа, Эспозито; Гьяси, Шомуродов, Верди. Бош мураббий: Леонардо Семпличи.

gettyimages-1467658306-2048x2048

Учрашув 3 май куни куни Тошкент вақти билан 21:00 да бошланади.

Шомуродовнинг даври келди...

Бу мамлакатда 20 нафар ўзбек легионери тўп тепмоқда

Шомуродов ҳаммасини ўзгартириб юбориши керак эди...

 

Фикрлар

Фикр қолдириш учун авторизациядан ўтинг!
Ilhomjon Feyz
02/05/2023 21:59
Коррупцион футболчилар балки бизда билинмас, лекин европада асл холати мошдек очилиади.