Ҳусановга хушхабар!
Ўзбекистон миллий терма жамоаси марказий ҳимоячиси Абдуқодир Ҳусанов Англия Премьер-лигасининг энг қудратли клубларидан ҳисобланган “Манчестер Сити”ла тўп тепаётгани боис, ўзбекистонлик футбол ишқибозлари Хосеп Гвардиола бошчилигидаги жамоа ўйинлари, натижалари, янгиликларини алоҳида эътибор билан кузатиб бормоқда.
Айни пайтда “шаҳарликлар” ҳам бир ойдан кейин бошланадиган Англия чемпионатига пухта тайёргарлик кўришни мақсад қилган. Футбол экспертлари эса, ўтган мавсумни таҳлил қилиб, натижаларни мухлислар эътиборига ҳавола этмоқда.
Англия Премьер-лигаси 2024-2025 йилги мавсумни таҳлил қилиш жараёнида қизиқарли фактларни ҳам эълон қилмоқда. Улардан бирида Англия чемпионатидаги биринчи ўзбек футболчиси Абдуқодир Ҳусановнинг ҳам номи зикр этилган.
Гап шундаки, Премьер-лига экспертлари ўтган мавсумнинг энг тезкор футболчиларини аниқлади. Унга кўра, чемпионатда энг катта тезликни қайд этган ўйинчи “Тоттенхэм” ҳимоячиси Микки ван де Вен бўлди. Унинг тезлиги соатига 37,12 километрга тенг.
Кучли учликдан “Ньюкасл” ва “Ноттингем Форест” клублари шарафини ҳимоя қилган Антони Эланга ва “Брентфорд” вакили Брайан Мбёмо ҳам жой олди.
Абдуқодир Ҳусанов энг тезкор футболчилар рейтингида еттинчи натижани қайд этди. 21 ёшли марказий ҳи моячимиз “Манчестер Сити” сафида “Ноттингем Форест” билан бўлган баҳсда соатига 26,29 километр тезликда югургани аниқланди.
Энг тезкор футболчилар ўнлиги қуйидагича кўриниш олди:
Микки ван де Вен (“Тоттенхэм”) — 37,12 км/с
Антони Эланга (“Ньюкасл” / “Ноттингем Форест”) — 36,65 км/с
Брайан Мбёмо (“Брентфорд”) — 36,65 км/с
Карлуш Боржеш (“Вулверхэмптон” / “Аякс”) — 36,58 км/с
Янкуба Минте (“Брайтон”) — 36,40 км/с
Вильсон Одобер (“Тоттенхэм”) — 36,36 км/с
Абдуқодир Ҳусанов (“Манчестер Сити”) — 36,29 км/с
Антони Эланга ((“Ньюкасл” / “Ноттингем Форест”, иккинчи марта) — 36,22 км/с
Эммануэль Агбаду («Вулверхэмптон») — 36,14 км/ч
Эрлинг Холанд (“Манчестер Сити”) — 36,00 км/с
Шу ўринда, “Манчестер Сити” расмий сайти 2024-2025 йилги мавсум давомида таркибдаги барча ўйинчилар статистикасини ҳисоблаб чиқди ва футболчиларга таъриф берди.
- Абдуқодир Ҳусанов – ўнта учрашув ва битта гол. Бу футболчи “Челси” қарши асабий дебютдан кейин ўзининг мазмунли ўйинлари билан қисқа фурсатда мухлислар ёқимтойига айланди.
Ҳусанов ўйинни ажойиб тарзда ўқий олади, хавфни олдиндан сезади ва ҳар қандай таҳдидларга тез жавоб топади. Абдуқодир вақт ўтиши билан кучини ошириб боради ва янги мавсумда биринчи жамоанинг кўпроқ ўйинларида иштирок этиши кутилмоқда, - деб ёзди mancity.com сайти.
Фикрлар