Кечаги куннинг муҳим хабарлари

Кеча сайтимизда ўзбек ва хориж спортига оид кўплаб хабарлар чоп этилди. Улар орасида сайтимиз кузатувчилари қуйидагиларни кўпроқ мутола қилишди.

Сиз кечаги кунинг муҳим хабарларини ўтказиб юборган бўлсангиз, унда бу сиз учун айни муддао.

• Эктор Купер кузатаётган Германиядаги футболчимиз Мануэль Янцер. У 1992 йил 7 март куни Германиянинг Ален шаҳрида туғилган. 178 см бўйга эга, ярим ҳимоячи, Германия фуқароси ва ҳозирда Германия учинчи дивизионида иштирок этувчи "Айнтрахт" (Брауншвейг) клуби аъзоси.
Эктор Купер матбуот анжуманларининг бирида Германия 3 дивизионидаги футболчимизни кузатаётганлигини таъкидлаб ўтган эди.

• Терма жамоамизга чақирилмай қўйган аммо бир қанча мухлисларнинг ёқимтойи бўлган Виталий Денисов ва Сардор Рашидовнинг трансфер нархлари ўзгарди. Икки футболчимининг трансфер нархи 0.5 млн еврога арзонлашди.

• «Навбаҳор» жамоасининг собиқ бош мураббийи Илҳом Мўминжонов яна водийда. Аниқроғи, у айни пайтда Андижонда бўлиб турибди. Ўзбекистон футбол ассоциациясининг олдинги раҳбарияти томонидан беш йилга футболдан четлаштирилган мураббий нега ва нима мақсадда Андижонга келгани сизни қизиқтириши табиий.

• Неймар Парижда ортиқ ўйнашни истамаяпти. Ҳужумчи жамоа президенти Нассеру Ал Хелаифига клубни тарк этишини ва "Барселона"га қайтишини айтган.

• Кеча Ўзбекистон кубогида 3-босқич ўйинлари бўлиб ўтди. "Андижон" ўз майдонида "Бухоро"ни қабул қилди ва 4:1 ҳисобидаги йирик ғалабани қўлга кирди. "Сурхон" ҳам катта қийинчилик эвазига "Раш-Милк"ни енгишга эришди. Шу тариқа, ушбу икки клуб кейинги босқич йўлланмасига эга чиқишди.

• Қатар давлати ЖЧ-2022 мезбонлигидан маҳрум этилиши мумкин. 18 июнь куни УЕФАнинг собиқ президенти Мишель Платини ЖЧ-2022 мезбонлигини аниқлашда коррупцияга алоқадорликда гумонланиб, қўлга олинганди. У мундиал мезбонини аниқлашда Франциянинг ўша пайтдаги президенти Николя Саркози ва Қатар амири Тамим бин Ҳамад Ал Тани билан учрашганликда гумонланмоқда.

• Каталониянинг “Барселона” клуби ПСЖ билан бразилиялик ҳужумчи Неймарнинг трансфери борасида музокаралар ўтказмоқда. "Барселона" Неймар учун ПСЖга 100 млн евро ва унга қўшимча тарзда 3 футболчидан бирини бермоқчи.

• Мирзаҳаким Тўхтамирзаев ЎФАдаги ўзгаришлар, боллар футболига берилиши керак бўлган эътибор ва ЎФАнинг янги раҳбариятига саволларини йўллади.

• "Андижон" клубининг янги бош мураббийи Александр Хомяков мухлислардан узр сўради ва уларни худди Эктор Купер каби сабрли бўлишга чақирмоқда.

• Неймар ўтган мавсум ЕЧЛ 1/8 финал босқичи доирасида "Манчестер Юнайтед"га қарши (1:3) ўйиндан сўнг учрашув ҳакамларини ҳақорат қилган эди. Шу боис ҳужумчи УЕФА томонидан 3 та ўйинга дисквалификация қилинди. Ташкилот парижликларнинг мазкур қарор юзасидан билдирган аппеляциясини рад қилди ва ҳукм ўз кучида қолди.

Фикрлар

Фикр қолдириш учун авторизациядан ўтинг!