“Мен бунақасига кўникмаганман!” Ўйин қаҳрамони Файзуллаев яна нималар деди?
ЦСКА Россия кубоги чорак финалининг жавоб учрашувида “Рубин” вакилларини 3:0 ҳисобида енгиб, бош соврин учун юришни давом эттирадиган бўлди.
Беллашув -6 даража совуқда ўтказилганига қарамай, майдонда қизғин кураш кечди. Учрашувда супергол урган ва энг яхши футболчи соврини билан тақдирланган Аббосбек Файзуллаев россиялик журналистларга интервью берди.
Sports.uz портали ушбу суҳбатни ўзбекистонлик футбол ишқибозлари эътиборига ҳавола этади.
— Биз бу учрашувга жиддий тайёргарлик кўрдик, диққатимизни жамлаб олдик, чунки аввалги баҳсларда ўзимизни етарли даражада кўрсата олмагандик.
Аввалги ўйинлар шунчаки тасодиф эканини кўрсатишни истагандик, бу гал эса, шундай совуқда бизни қўллаб-қувватлаш учун стадионга келган мухлисларни хурсанд қилишимиз шарт эди. Мухлисларга раҳмат.
— Совуқ ўйинга таъсир қилдими?
— Ўйинни бошлаб юборгандан кейин совуқ сезилмайди, чунки қизиқишиб олган бўламиз. Барибир совуқда ўйнаш оғир, мен бунақасига кўникмаганман. “Рубин” билан ҳар бир ўйин қийин бўлади. Уларнинг таркиби кучли.
— Қайси вазиятларда яхши ўйнадинглар?
— Ҳужумни якунлашда, бу ғалаба келтирди.
— Бу жамоага туртки берадими?
— Ҳа, аввалги ўйинларда ўзимизни кўрсата олмагандик.
— Бош мураббий Марко Николич жамоани тайёрлаш учун нимадир дедими?
— Ҳам, бу учрашув бизга ҳам, мухлисларимиз учун ҳам муҳимлигини таъкидлади.
— Кўп учрашув ўтказиш қанчалар оғир?
— Оғирлиги бор, баъзан тананг “гапга кирмай” қўяди.
— Омадсиз ўйинлар бу қандайдир кризисга боғлиқми?
— Чемпионатда кўп нарса ўхшамаяпти, лекин бу ўйинда тескариси бўлди.
— Жамоадаги ролинг ўзгардими?
— Агар икки ҳужумчи билан ўйнасак, ўзимни анча эркин ҳис қиламан.
— Узоқдан бериладиган зарбалар сенинг кучли томонинг эканига қўшиласанми?
— Ҳам, менга шундай зарба бериш ёқади. Таваккал қилишни яхши кўраман. Гол чиройли чиқадими ёки йўқ, бунинг аҳамияти йўқ, муҳими гол уриш.
— Ўзбекистон терма жамоасидаги ўйининг ҳам яхши чиқяпти …
— Ҳа, бутун Ўзбекистон орзусини амалга ошириб, жаҳон чемпионатига чиқмоқчимиз.
Эслатиб ўтамиз, Файзуллаев жорий мавсумда Россия Премьер-лигаси ва мамлакат кубоги доирасидаги учрашувларда жами 21 маротаба майдонга тушиб, ўз ҳисобига учта гол ва олтита ассист рамийлаштириб қўйди.
Айни пайтда transfermarkt.world портали ўзбек легионерини 6 миллион еврога баҳоламоқда. Ушбу портал трансфер суммаси маълумотларини яна янгиласа, Аббосбек Файзуллаевнинг нархи кўтарилиши кутиляпти. Легионеримиз ҳозирнинг ўзида Марказий Осиёнинг энг қимматбаҳо ўйинчиси ҳисобланади.
Супергол урган Файзулллаевнинг ўйини қандай баҳоланди?
Европа суперклуби Ҳусанов трансфери бўйича иш бошлади. Январда янгилик бўладими?
Катта пул керак: Ҳусанов “Ланс”ни қутқарадими?
Фикрлар