Моуриньо: Унинг фантастик ҳужумчи эканига қўшилмайман, чунки...

“Рома” ғалабаларида Тэмми Абрахам муҳим роль ўйнамоқда. Англиялик ҳужумчи пойтахт дербисида “Лацио” дарвозасини икки марта ишғол қилиб, йирки ҳисобдаги ғалабага катта ҳисса қўшди.

Шундан сўнг, Жозе Моуриньо шогирди ҳақида қизғин фикр билдирди.

- Сиз Абрахамни фантастик ҳужумчи, деб таърифласангиз, мен бунга қўшилмайман. Чунки у бундан кўпроғига қодир.  Мен унинг салоҳиятини яхши билганим учун ундан жуда кўп нарса талаб қиламан. Голларни инобатга олмаймиз, у ҳар бир учрашувда ана шундай юқори иштиёқ билан ўйнаши шарт, - деди Жозе Моуриньо.

Тэмми Абрахам ўтган ёзда 40 миллион евро эвазига “Челси”дан трансфер қилинган эди. Англиялик ҳужумчи шу кунга қадар “Рома” учун 40 та учрашув ўтказиб, 23 та гол урди. Рим клуби тарихида ҳали ҳеч қайси ўйинчи бу қадар сермаҳсул дебют ўтказмаган.

“Рома” легионери учун 15 миллион сўраяпти

“Рома” раҳбарияти франциялик легионер Жордан Верету билан хайралишга тайёр. Жозе Моуриньо 29 ёшли таянч ярим ҳимоячисини келажак режаларига киритмайдиган бўлди. Бу кўп жиҳатдан римликлар январда “Порту”дан ижарага олинган Сержиу Оливейранинг трансфери тўлиқ сотиб олишга қарор қилгани билан боғлиқ.

“Рома” Веретуни 15 миллион еврога баҳоламоқда. Франциялик футболчи ўтган йили кузда римликлар билан амалдаги шартномасини узайтириб, жамоада 2024 йилнинг ёзигача қоладиган бўлганди.

Оливейра келганидан кейин Верету захирага ўтириб қолди. “Рома” катта маош олаётган легионерни ўйин амалиётисиз ушлаб турмайдиган бўлди.

Жоран Верету жорий мавсумда 39 та учрашувда майдонга тушиб, тўртта гол ва тўққизта ассист муаллифи бўлди.

“Рома” зўр футболчини текинга олади

Бундеслигада “Хоффенхайм” шарафини ҳимоя қилаётган Флориан Гриллич клуби билан янги шартнома тузмади. Айни пайтда футболчининг агентлари мижозига янги иш жойи қидирмоқда.

Маълумотларга қараганда, австриялик ярим ҳимоячининг вакиллари А Серия грандлари “Интер” ва “Рома” мутасаддилари билан боғланиб, Гриллични бепул таркибга қўшиб олишни сўраган.

Transfermarkt портали, 26 ёшли футболчини 16 миллион еврога баҳоламоқда. Аввалроқ, “Рома” спорт директори Тьаго Пинто ҳам Гриллични “бўрилар” сафига қўшиш имкониятини ўрганаётгани ҳақида хабарлар тарқатилган эди.

Гриллич жорий мавсумда Бундеслигада 17 та учрашувдан иштирок этиб, бирор самарали кўрсаткич қайд эта олмади.

Дибала ўрнига Дзаньоло

“Ювентус” раҳбарияти жамоа ҳужумчиси Пауло Дибала билан якунланаётган шартномани узайтирмасликка қарор қилганидан кейин “Рома”дан Николо Дзаньолони олишга асосий мақсад қилиб қўйди.

Таниқли журналист Николо Скиранинг айтишича, Дзаньолонинг агентлари бу трансфер бўйича фаол иш олиб бормоқда ва улар икки маротаба туринликлар билан учрашув ўтказишга улгурган.

Маълумотларга қараганда, агар Рим клуби май ойига қадар ўйинчини янги шартномага кўндира олмаса, “Ювентус” Дзаньоло трансфери бўйича расман таклиф юборади.

Рим клуби тарбияланувчисининг амалдаги шартномаси 2024 йилнинг ёзигача тузилган. Унга кўра, Дзаньолони 33 миллион еврога трансфер қилиш мумкин.

“Рома” футболчи билан келишувни янгилаб, уни 50 миллион евродан кам бўлмаган маблағ эвазига сотиб юборишни режалаштираётган эди.

Машариповнинг жамоадоши Шомуродов ўрнини эгаллаши кутилмоқда!

Абрахам Шомуродовни “синдирди”, Моуриньо эса “Челси”дан яна ўйинчи олади!

Шомуродовни ўйнатмаётган Моуриньо Россия чемпионатида яна футболчи олмоқчи

Моуриньо Шомуродовдан воз кечдими?

Франциянинг кучли жамоаси “Рома” ҳужумчисини аниқ сотиб олади! У ким экан?