Шомуродовни ўйнатмаётган Моуриньо Россия чемпионатида яна футболчи олмоқчи

“Рома” бош мураббийи Жозе Моуриньо кейинги пайтда Элдор Шомуродовга етарличи ўйин амалиёти бермаяпти. Легионеримиз захира ҳужумчиси мақомини 18 ёшли Феликс Афена-Гьянга бой берди. Албатта, бунда португалиялик мутахассиснинг танлови асосий сабаб бўлиб хизмат қилмоқда. Маҳорат ва тажриба бобида Элдорнинг устунлигини ҳамма билади.

Энди Рим клуби Шомуродов пишган чемпионат – Россия премьер-лигасидан ўинчи олишга ҳаракат қилмоқда.

Corriere dello Sport  нашрининг хабар беришича, “Рома” қисқа муддатга бўлса ҳам ЦСКА ярим ҳимоячиси Жан-Филипп Гбаменни ўз сафида ўйнатмоқчи.  Манбанинг маълум қилишича, Моуриньога 26 ёшли ўйинчининг ярим ҳимоя ва ҳимоя марказида ишончли ўйнай олиш қобилияти маъқул келган. Бундан ташқари, Кот-д’Ивуарда туғилган футболчида Франция паспорти борлиги унинг кучли бешлик чемпионатларида ўйнашга имкон беради. Чунки бу чемпионатларнинг аксариятида Европа Иттифоқига кирмайдиган давлатлардан келган ўйинчилар сонига чеклов қўйилган.

“Рома”нинг бу ўйинчига эътибор қаратиши ФИФАнинг Россия чемпионатида ўйнаётган легионерларга амалдаги шартномаларини вақтинча тўхтатиб, бошқа жамоаларда ўйнаш ҳуқуқини бергани сабаб бўлди.

Гбамен ЦСКАга шу йилнинг февраль ойида қўшилган эди. Ярим ҳимоячи москваликлар томонидан мавсум охиригача “Эвертон”дан ижарага олинган. “Рома” ФИФАнинг қароридан фойдаланиб, уни 30 июнгача Римда ўйнашига эришмоқчи.

novichok-cska-gbamen-podelil

Моуриньо фикридан қайтгани йўқ

Жозе Моуриньо “Рома”га Англия чемпионатининг икки вакили – Гранит Жака ва Диогу Далотни олиб келиш фикридан қайтгани йўқ.

Италия матбуотининг ёзишича, португалиялик мутахассис клуб спорт директори Тьягу Пинтодан бу икки трансферни уддалашни сўрамоқда.

Диогу Далот “Манчестер Юнайтед”даги дебютини айнан Моуриньо қўл остида ўтказган. Гарчи манчестерликлар бир йилдан кейин тугайдиган шартномани узайтиришга ҳаракат қилаётган бўлса-да, португалиялик ҳимоячи доими ўйин амалиётига эга бўлиш учун бошқа жамоага ўтишга тайёр.

Маълумотларга кўра, Далот Моуриньонинг жамоасига ўтишга мойил бўлиб турибди. Римликлар бу трансферни 10-12 миллион еврога амалга ошириши мумкин.

diogo-dalot-manchester-united

Гранит Жака трансфери бироз мураккаб бўлади. Ўтган ёзда “Рома” таклифини рад этган швейцариялик ярим ҳимоячи “Арсенал” билан янги битим тузганди. Бироқ, тажрибали ўйинчи жамоа бош мураббийи Микель Артета билан чиқиша олмаётгани римликларга қўл келиши мумкин. 

“Арсенал” билан ҳамкорлиги 2024 йилнинг ёзигача тузилган 29 ёшли ўйинчини олиш учун “Рома” 20 миллион евро сарфлашига тўғри келади.

У ишончни оқламади!

Қишки трансферлар вақтида Рим клуби икки тажрибали ўйинчи – “Арсенал” ва кили Эйнсли Мейтленд-Найлс ва “Порту” ярим ҳимоячиси Сержиу Оливейрани мавсум охирига қадар ижарага олганди. “Рома”да ҳар икки футболчини ёзги трансферлар вақтида тўлиқ трансфер қилиш ҳуқуқи бор.

Клуб мутасаддилари бу ўйинчилар бўйича ҳозирдан бир қарорга келиб бўлган. Унга кўра, клуб мавсум якунланиши билан Мейтленд-Найлсни “Арсенал”га қайтариб юборади. Аслида бу ярим ҳимоячи “канонирлар” сафида асосий таркибга кира олмагани учун ижарага юборилганди.

Эйнсли ўзига берилган имкониятдан фойдалана олмади. Унинг хатти-ҳаракатлари Жозе Моуриньо ва унинг штабидаги мураббийларга ёқмагани айтилмоқда.

niles-2fb88281-aab8-4aa1-ba6a-850056daaf42

Сержиу масаласида муаммо йўқю У жамоага муҳим ғалабалар келтиришда давом этмоқда. Римликлар ёзда уни “Порту”дан 15 миллион евро атрофидаги маблағ эвазига тўлиқ трансфер қилишни режалаштирган.

Моуриньо шогирдини ҳимоя қилди

Конференциялар лигаси доирасида “Витесс”га қарши ўтказилган учрашувнинг 66-дақиқасида Жозе Моуриньо 100 учрашувини ўтказаётган Николо Дзаньолони захирага олиб, ўрнига Лоренцо Пеллегринини туширди.

22 ёшли ҳужумкор футболчи захира ўриндиғига бормасдан, тўғри кийим алмаштириш хонасига кетди. Одатда, ўйиндан олинганига норози бўлган ўйинчилар шундай қилади. Журналистлар бу ҳолатга эътибор қаратди.

Бироқ, Моуриньо ўз шогирдини ҳимоя қилди.

- Ичкарига кириб кетишини унга мен тайинладим. Чунки ҳаво харорати анча совуқ эди ва у терлаб кетгани кўриниб турарди. У яхши ўйнади, сизлар эса фақат ёмон томонини қидирасизлар. Ҳар доим мен ва Николо ўртасидаги совуқчилик солмоқчи бўласизлар, - деди Жозе Моуриньо.

315

Моуриньо Шомуродовдан воз кечдими?

Франциянинг кучли жамоаси “Рома” ҳужумчисини аниқ сотиб олади! У ким экан?

“Рома” ҳужумчиларидан бирига янги жамоа қидира бошлади!

Умаровнинг узри ўтмади, жамоалар уни талашмоқда, лекин...

Можаро Умаровнинг Европадаги фаолиятига чек қўйиши мумкин!

Моуриньо “Витесс”га қарши тактика танлади. Унда Шомуродовга жой борми?

Фикрлар

Фикр қолдириш учун авторизациядан ўтинг!