Пеп, нималар қиляпсан, Абдуқодир қани? Ҳусановни ўйнатмаган Гвардиолани фанатлар “талашяпти”!

Англия Премьер-лигасининг 31-туридан ўрин олган марказий учрашувлардан бирида  Манчестер шаҳрининг икки клуби – “Юнайтед” ва “Сити” ўзаро тўқнаш келди.

Бу галги баҳсга Рубен Аморим шогирдлари мезбонлик қилди. “Олд Траффорд”даги тўқнашувда ҳисоб очилмади. Бу беллашувдаги ғалаба Европа Чемпионлар лигаси йўлланмаси учун курашаётган “шаҳарликлар”га зарурроқ эди.

Хосеп Гвардиола кетма-кет иккинчи учрашувда Абдуқодир Ҳусановни майдонга туширмади. “Манчестер Сити”нинг ўйинларини бутун дунёдан кузаётган мухлислар бу ҳолатни ижтимоий тармоқларда кенг муҳокама қилмоқда.

Sports.uz портали ўзбекистонлик мухлислар эътиборига “Манчестер Сити” фанатларининг Абдуқодир Ҳусановнинг майдонга тушмаганига билдираётган муносабатини ҳавола этади.

Brainy Ashley:

Мен тушунмаган ягона нарса – Хосеп Гвардиола Абдуқодир Ҳусановни захирада қолдириб, бошланғич таркибда Матеуш Нуньешни ўйнатаётганидир. Гвардиоланинг шу Нуньеш билан биздан яшираётган келишуви бормикин?

Claudius Muchura:

Кейинги пайтда Пеп танлаётган таркибга ишончим йўқ. Нега Ҳусанов, Доку, Савиньо бошланғич таркибдан чиқиб кетди?

Sage Levian:

Ҳусанов, Доку ва Савиньонинг йўқлиги  билиняпти. Нуньешга асосий таркибда бало борми?

Ty St:

Пеп, Абдуқодир қани?

4 IN A ROW:

Бизга кескин қарши ҳужумларда самарали ўйнай оладиган футболчилар керак. Нега Доку ва Савиньо йўқлигига сабаб топа олмаяпман. Ҳусанов турганда ўйинни Нуньеш билан бошлаш шарт эмас!

Joobira Shaggar:

Гвардиола Ҳусанов нега таркибда эмас?

Willis Otis:

Ҳусанов захира ўриндиғида нима қиляпти?

Zo Ram Thang:

Пеп, нега Ҳусанов, Гонсалес, МакЭти ва Савиньони ўйнатмаяпсан? Ғалаба керак эмасми?

Yusuf Opeyemi:

Нега Ҳусанов захирада ўтирибди?

Chrispeter Wachira:

Нега Нико Гонсалес ва Абдуқодир Ҳусановсиз ўйнаяпмиз? Ҳимоямиз аввалгидек расво бўлиб қоладику!

Bobby Bobby:

Нуньешнинг нима кераги бор, Нико ва Абдуқодир қани?

Vicram Ke:

Ўйинни тугатдик. Бизда Абдуқодир Ҳусанов ва Жек Грилиш аввалги учрашувларда жуда яхши ўйнаб келаётган эди. Савиньо ва Доку ҳам. Пеп, нималар қиляпсан?

Эслатиб ўтамиз, Абдуқодир Ҳусанов 20 январь куни “Манчестер Сити”га кўчиб ўтганидан бери Англия Премьер-лигаси, мамлакат кубоги ва Европа Чемпионлар лигасида жами тўққизта учрашувда иштирок этиб, битта гол ҳам урди. Бироқ, Хосеп Гвардиола кетма-кет иккинчи бор ўзбекистонлик легионерни майдонга туширмагани мухлисларда кўплаб саволларни туғдиряпти.

“Рома”нинг даҳшатли қуроли: Шомуродов экспертлар томонидан қандай баҳоланди?

Супергол ва ассист: Ўзбек легионери ўйин қаҳрамони бўлди!

Пьянич Файзуллаевга “Барса”га ўтиш йўлини ўргатди

Агент Файзуллаев Европага қачон кетишини айтди. Манзил фақат ТОП-ЛИГА!