Раньери гол ура олмаётган Шомуродов ҳақида нималар деди?

А Серия дебютанти “Кальяри” олтинчи тур учрашувида ўз майдонида “Милан”ни қабул қилиб, ўйинда ҳисобни очганига қарамай, 1:3 ҳисобида мағлубиятга учради.

Клаудио Раньери шогирдлари бу мағлубиятдан кейин мусобақа жадвалининг энг охирги поғонасига тушиб қолди. “Милан” эса, очколари сонини 15 тага етказиб, биринчи ўринда турган “Интер” билан тенглашиб олди. Ушбу беллашувда Элдор Шомуродов 67-дақиқада захирадан майдонга тушиб, бу гал ҳам голсиз сериясига барҳам бера олмади.  

Навбатдаги мағлубиятдан кейин “Кальяри” бош мураббийи Клаудио Раньери ўз фикр-мулоҳазаларини билдириб ўтди.

Ўйин ҳақида

Биз зўр ўйин ўтказдик. Биринчи бўлимда ҳам, ўйиннинг иккинчи ярмида ҳам яхши ўйнадик. Мен шогирдларим қандай ўйнаётганидан фахрланаман. Лекин майдоннинг нариги томонида рақибимиз чемпион бўлган жамоа эди.

Ўйин услуби ҳақида

Биз ўйинни орқадан бошлаб тўпни олдинги чизиқдаги Андреа Петанья ва Зито Лумувбога етказиб беришга ҳаракат қилдик. Бу орқали “Милан”нинг устун жиҳатларини кесиб қўйишга уриндик. Улар бизнинг хатоларимиздан фойдаланишни мақсад қилган эди. Рақибнинг биринчи голи шундан келиб чиқди. Биз мағлубиятни тан олишимиз керак.

Жамоа таслим бўлмаслиги ҳақида

Бу жамоа курашишда давом этимоқда ва бу йўлда бир дақиқа ҳам тўхтамайди. Биз қуйи лигага тушиб кетишдан қутилиб қолишимиз керак ва бу осон бўлмаслиги аниқ. Мен жуда яхши ўйин ўтказган жамоамдан фахрланаман. Шу ўринда, рақибимиз “Милан” бўлганини унутманг. Бу чемпион ва қудратли жамоа. Жамоа бор кучини бергани бу гал фойда келтиргани йўқ, лекин биз таслим бўлмаймиз.

Радуновичнинг хатоси ҳақида

Дарвозабон Борис Радунович яна хатога йўл қўйди. Мен у билан гаплашиб оламан. У ёғини ўйлашиб кўрамиз. Бизда Скаффет ҳам бор, жуда яхши дарвозабон. “Кальяри” зўр ўйинчилардан таркиб топган яхши жамоа. Ўзимизни ўзимиз қутқаришимиз керак. Охиригача курашамиз.

Берилмаган пенальти ҳақида

Лувумбога нисбатан пенальти бормиди ёки йўқмиди, бу қизиқ эмас. Мен йигитларнинг ўйинидан мамнун бўлдим. Чемпионат олдидан бунақа жарималар берилмаслигини билардик.

Рақиб ҳақида

Биринчи бўлимни “Милан”га бердик. Биз уларнинг жарима майдончаси ичида уларни босим остида ушлаб тура олмадик. Биз хавфлироқ ўйнадик, лекин дарвозамизни ҳимоя қилишда эътиборсизликка йўл қўйдик. Улар тайём охирида иккита гол урди. Иккинчи бўлимда ҳимояда ўйнашдан маъни йўқ эди. Биз олдинга босдик. Майдонни бошимизни баланд кўтарган ҳолда тарк этишга лойиқ ўйин кўрсатдик.

Шомуродов ҳақида

Бугунги учрашув осон бўлгани йўқ. Элдор Шомуродов ҳали ҳам 100 фоизга тайёр эмас. Легионеримиз бошқа ҳужумчиларга ўхшамайди. У ўзининг жисмоний ҳолатини яхшилаб олиши керак. Ҳозирча, бизга энг тез мошлашгани Зито Лувумбо бўлиб турибди.

Мен Элдор Шомуродов ҳам тез орада ўз даражасига кўтарилишига умид қиламан. Чунки Жанлука Лападуланинг қайтишига бир ойдан кўпроқ вақт бор.

“Кальяри” А Сериядаги навбатдаги учрашувини 2 октябрь куни сафарда “Фиорентина”га қарши ўтказади. 

Аббосбек Файзуллаев Испанияга йўл олиши керак...

Файзуллаев Европага кетмоқчи эди...

Файзуллаев қаерда ўйнаши кераклигини айтишди

Шомуродовдан гол уришни талаб қилишяпти!

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Фанатлар Шомуродовдан нимани талаб қиляпти?

Шомуродовдан қандай қилиб максимум фойда чиқариш мумкин?