Раньери Шомуродов масаласига нуқта қўйди!
Ўзбекистон миллий терма жамоаси сардори ва энг зўр тўпурари Элдор Шомуродовнинг “Рома”даги келажаги мавҳум бўлиб турганди.
Айниқса, қишки трансфер бозори очилгаридан бери А Серия жамоаларидан бир нечтаси ўзбек ҳужумчисини ижарага олиш бўйича Рим клубига мурожаат қилиб келмоқда. Ҳамюртимизга Италияда ва Германия клубларидан қизиқиш бўлаётгани хабар қилинди.
Бироқ, бу борада “Кальяри”, “Эмполи” ва “Венеция” 29 ёшли ҳужумчини олиш учун Рим клубига мурожаат қилди.
Элдор Шомуродов учун курашда бир неча бор фаворит ўзгарди. Италия матбуоти “Венеция” вакиллари мавсум якунланганидан кейин ўзбек легионерини тўлиқ трансфер қилиш мажбуриятини олишини билдирган эди. Бир неча манбалар бу таклиф “Рома”га маъқул келгани ва трансфер тез орада амалга ошишини ёзмоқда.
“Рома” навбатдаги турда “Удинезе” меҳмони бўлиб, 2:1 ҳисобида зафар қучди. Шомуродов танаффусдан кейин Зеки Челик ўрнини эгаллаб, бир бўлим тўлиқ ўйнади. Беллашувнинг иккинчи ярмида Элдор жамоасининг асосий фигурасига айланди ва ғалабага катта ҳисса қўшди.
Айнан мана шу учрашувдан кейин римликлар бош мураббийи Клаудио Раньери ўзбек футболчисининг “Венеция”га ўтиши ҳақидаги саволга жавоб бериб, Элдор атрофидаги вазиятга ойдинлик киритди.
Нуфузли манбалардан бири – tuttomercatoweb.com портали тажрибали мутахассиснинг қуйидаги муносабатини келтирди.
- Трансфер ҳақида гап-сўз бўлиши мумкин эмас, мен шу ерда эканман бу йигитлардан фойдаланишда давом этаман.
“Удинезе” ўйин борасида “АЗ Алкмаар”дан кескин фарқ қилади ва мен бу ўйинда Элдор Шомуродов фойда келтира олади, деган хулосага келдим. Сиз рақибнинг қандай зич ҳимояланганини кўрдингизми? Кўпгина кучли жамоалар бу ерда очко йўқотган.
Мен Шомуродовнинг имкониятларини яхши биламан. У билан “Кальяри”да ишлаганман. Бу учрашувда Элдор плеймейкер вазифасини ўз зиммасига олди, майдон ичкарисидан ҳужумларни ташкил қилишда жонбозлик кўрсатди.
Агар унда янада кучайиш имконияти юзага келса, буни назардан қочирмайман, клубдагиларни кузатиб бораман. Шомуродов жиддий профессионал ўйинчи. Бунақа типдаги ўйинчи билан ишлаётанимдан бахтиёрман, - деди Клаудио Раньери.
Элдор Шомуродов жорий мавсумда барча турнирларда 16 маротаба майдонга тушиб, иккита гол ва битта ассист муаллифи бўлди. Transfermarkt портали ўзбекистонлик форварднинг трансфер суммасини 4 миллион еврога баҳоланмоқда.
“Қора анъана”га чек қўйилган учрашувда Шомуродовнинг ўйини қандай баҳоланди?
Ҳусанов, ўкинма, Месси ҳам биринчи “калла” қўйган эди!
АПЛ Ҳусанов ҳақида ғаройиб факт чиқарди!
Ҳусанов ёлғиз эмас: АПЛда дебюти бундан-да оғир ўтган юлдузлар бор!
“Манчестер Сити” юлдузлари Ҳусановни қандай ҳимоя қиляпти?
Фикрлар