“Рома” мухлислари Шомуродов туфайли иккига бўлинди! Ким ҳақ?
Футбол жамоатчилиги тез орада “Рома” ўзбекистонлик ҳужумчи Элдор Шомуродов трансферини расман эълон қилиши кутилмоқда.
Римликлар “Женоа” ҳужумчисини кейинчалик трансфер қилиш ҳуқуқи билан бир мавсум ижарага олади. Бироқ, Шомуродовга беш йиллик шартнома таклиф қилинган. Ҳисоб-китобларга кўра, бу трансфер “Рома”га қарийб 20 миллион еврога тушмоқда.
“Рома” мухлислари ижтимоий тармоқларда Шомуродов трансфери бўйича ўз муносабатини билдира бошлади. Таъкидлаш жоизки, мухлисларнинг бу борадаги фикри бир жойдан чиқмаяпти. Римлик ишқибозларнинг бир гуруҳи бу трансферга қаршилигини билдирса, қолганлари Элдор Шомуродов “Женоа”да бўлгани каби яна ўзини кўрсатишга қодирлигини таъкидламоқда.
Sports.uz сайти ўзбекистонлик мухлислар эътиборига римликларнинг Элдор Шомуродов трансфери бўйича фикр-мулоҳазаларини ҳавола этади.
Matteo Lorenzi:
Мен бу яна бир омадсиз трансфер бўлишидан чўчияпман. Бир неча йил олдин Патрик Шикни 42 миллион еврога сотиб олиб, бу футболчи учун икки баравар нарх тўлагандик. Натижада у ўзини фақат бошқа клубларда кўрсатди. Бу гал Элдор Шомуродовни оляпмиз ва унга ҳам икки баравар кўп тўлаяпмиз. Лекин ўзбек ҳужумчиси “Рома”да ўзини кўрсатиб, Шикнинг йўлини такрорламаслигига ишонгим келяпти.
Francesco Brescia:
Бир йил муқаддам нархи 7 миллион бўлган ва мавсумда 32 та учрашувда 8 та гол црган ҳужумчи учун 20 миллион сарфлаш ақлсизлик. Бу трансферни тушунмадим.
Fabio Lombardi:
Жеко ва Майоралга солиштирганда бу ҳужумчи жамоани кучайтира олишига ишончим комил эмас. Ундан кўра, Майорални “Реал”дан тўлиқ сотиб олишга пул сарфлаш керак эди. Шунда ҳамяна бир ҳужумчига пул қоларди.
Riccardo Rosina:
Ўзбек ҳужумчиси ўтган мавсум охирида зўр ўйин намойиш қилди. У зўр ўйнади ва мунтазам гол урди. Бизга айнан мана шунақа ҳужумчи керак. Нархнинг баландлигига келсак, биз уни аввал ижарага оляпмиз, агар ўйнаб кетолмаса, сотиб олмаймиз.
Enrico Fiasco:
Бу трансфернинг мантиқий томонлари ҳам бор. Интернетда Шомуродовнинг Моуриньо билан тушган сурати бор. Бизга Моуриньодек мураббий келяпти ва у албатта Элдорни кутилган даражада ўйната олади.
Kevin Barrera:
Мавсум охирида бир неча учрашувни зўр ўтказган футболчи учун 20 миллион евро харажат қилиш мантиқданми?
Justin Di Matteo:
Энди бизнинг жамоамизга майдони Италиядан икки баравар катта бўлган Осиёдаги давлатлардан бири мухлислик қилади. Шомуродов қандай ўйнаркин билмадиму, лекин мухлисларимиз сафи анча кенгайиши аниқ.
Giuliano Garofalo:
Элдорнинг ўйинларини кузатиш жуда мароқли ва қизиқарли бўлади. Ўтган мавсум охирида у деяли барча учрашувда гол урди. Ёзги ўртоқлик ўйинларида ҳам мунтазам тўп киритди. У формасининг юқори даражасига кўтарилаётган ҳақиқий тўпурар!
Фикрлар