Роналду ёшлар жамоаси билан машғулотларда иштирок этмади

Криштиану Роналду бугун ёшлар жамоаси билан машғулот ўтказмади. 

Кеча "Manchester Evening News" журналисти Самюэль Лакхерст португалиялик форвард "Манчестер Юнайтед" U21 жамоаси билан машғулот ўтказиши ҳақида хабар берганди. 

Эрталаб чиққан хабарларга кўра, Роналду машғулотларга ёшлар жамоаси билан бир вақтда етиб келди. Бироқ у индивидуал тарзда шуғулланди. Бу вақтда клуб базасида асосий таркиб футболчиларидан ҳеч ким йўқ эди. 

Эслатиб ўтамиз, Роналду 3 кунга асосий таркиб ўйинчилари билан машғулот ўтказишдан четлаштирилганди.