Ronaldudan xushxabar!
Millatlar ligasida ishtirok etayotgan Portugaliya terma jamoasi bosh murabbiyi Fernandu Santush to‘purar Krishtianu Ronalduning ahvoli haqida ma’lumot berdi.
Tajribali futbolchi o‘ng oyoq barmoqlariga infektsiya tushgani bois Xorvatiyaga qarshi uchrashuvni o‘tkazib yuborgan edi.
- Ronaldu mashg‘ulotlarni boshladi va o‘zini juda yaxshi his qilmoqda. U biz bilan birga Shvetsiga boradi. U biroz o‘zini tiklab olishi qoli xolos, - dedi bosh murabbiy.
Portugaliya Shvetsiyaga qarshi safar uchrashuvini 8 sentyabr kuni o‘tkazadi.
Krishtianu Ronaldu terma jamoa tarkibida 164 ta uchrashuvda 99 ta gol urgan. Futbol muxlislari portugaliyalik to‘purar terma jamoalar miqyosida eng ko‘p – 109 ta gol urgan eronlik Ali Dayi rekordini yangilashini kutmoqda.
Fikrlar