"Setanta Sports" ва Бундеслига ҳамкорликни давом эттиради

"Bundesliga International" ва "Setanta Sports" ҳамкорликни давом эттириш борасида келишиб олди.

2015/16 йилги мавсумдан бошлаб "Setanta Sports" Арманистон, Озарбайжон, Грузия, Молдова, Қозоғистон, Қирғизистон, Тожикистон, Туркманистон, Украина ва Ўзбекистонда Бундеслига ва Бундеслига-2 ўйинларини трансляция қилиб келади. Бугунги эълон ушбу мамлакатлардаги ҳамкорликни 2028/29 йилги мавсум охиригача узайтиришни англатади.

"Setanta Sports" билан ҳамкорлик бўйича келишувга эришдик. Ушбу битим бутун дунё бўйлаб мухлисларни юқори сифатли маҳсулот билан таъминлашга қаратилган", - деди Бундеслиганинг халқаро маркетинг бўйича директори Пер Науберт.