Шомуродов "янгича" жамоада!
Россиянинг “Спорт День за Днем” нашри Россия чемпионатининг 30 йиллик тарихида МДҲ давлатларидан келган энг кучли легионерлар рамзий терма жамоасини тузиб чиқди.
Ушбу рўйхатдан Ўзбекистон миллий терма жамоаси сардори Элдор Шомуродов ҳам жой олди. Маълумки, ҳамюртимиз 20017-2020 йиллар давомида “Ростов” жамоаси шарафини ҳимоя қилган. Элдор ростовликлар сафида бирорта совринга эга бўлмади. Энг катта ютуғи ўз ўйинлари орқали Европанинг кучли бешлик чемпионатларида тўп тепишга қодирлигини исботлай олгани бўлди.
Ҳамюртимиз “Ростов” жамоасида жами 91 та учрашув ўтказиб, 18 та гол урди ва 12 та голли пас оширди.
2020 йилнинг октябрь ойида “Женоа” ҳужумчимизни 7,5 миллион евро эвазига трансфер қилди. Генуяликлар сафида жами 32 маротаба майдонда тушган футболчи рақиблар дарвозасини саккиз маротаба ишғол қилди ва жамоадошларига бир жуфт голли пас оширди.
Дебют мавсумини муваффақиятли ўтказган Шомуродовни ўтган йилнинг ёзида “Рома” 17,5 миллион евро эвазига ўз сафига қўшиб олди. Жорий мавсумда Элдор жами 29 маротаба майдонга чиқиб, ўз ҳисобига тўртта гол ва бешта голли пас расмийлаштирди.
“Спорт День за Днем” нашри тузган рамзий терма жамоа қуйидаги кўринишга эга бўлди.
Абрахам Жеконинг ўрнини босди
Тэмми Абрахам “Рома”да қайд этаётган натижалар мухлисларнинг хавотирини йўққа чиқарди. Англиялик тўпурар жамоани тарк этган Эдин Жеконинг ўрнини боса олди.
Айни пайтда Абрахам 19 та гол билан Европадаги англиялик ҳужумчилар ўртасида энг кўп тўп киритган ҳужумчи бўлиб турибди. Ҳатто. Кўп гол уриши билан ҳурмат қозонган Ҳарри Кейн, Жеймс Варди ва Раҳим Стерлинг каби ҳужумчилар ҳам римликлар вакилидан ортда қолмоқда.
Ҳозир Тэмми Абрахамнинг асосий мақсади Англия терма жамоасидан муқим жой олиб, йил охирида Қатарда бўладиган жаҳон чемпионатида иштирок этиш. Терма жамоа бош мураббийи Гарет Саутгейт биринчи рақамли ҳужумчи сифатида Ҳарри Кейнни танлаган. Абрахам ўз натижалари билан буни йўққа чиқариши керак.
Мутахассисларнинг таъкидлашича, “Рома” тарихида энг қиммат трансфер бўлган Тэмми Абрахам ўзига сарфланган 40 миллион еврони тўлиқ оқлади. Аслида уни Римга жўнатган “Челси” гол ура оладиган юқори савияли ҳужумчисига эҳтиёж сезмоқда. “Аристократлар” Тэмми Абрахамни ортга қайтариш ҳуқуқига эга. Бунинг учун улар “бўрилар”га 80 миллион евро миқдорида бадал пули тўлаши керак бўлади.
Моуриньо жаримадан қутилиб қолди
Испания миллий суд коллегияси Жозе Моуриньога 2015 йилда қўйилган 571 минг евро миқдоридаги жаримани бекор қилиш ҳақида қарор чиқарди.
Португалиялик мутахассис 2010-2012 йилларда “Реал”ни бошқарган вақтида солиқ тўлашдан бош тортганликда айбланган эди. Ўшанда солиқ идораси ходимлари мураббийни даромадлари миқдорини пасайтирганликда айблаган.
Айб исботлаб берилиши керак, тахмин билан ҳукм чиқариб бўлмайди. Бу тахминлар солиқ мажбуриятларни бажармаганлик учун жазо тайинлашга етарли эмас, - дейила Моуриньони оқлаш бўйича эълон қилинган байёнотда.
Айни пайтда Моуриньо Италия чемпионатида “Рома”ни бошқариб, бир мавсум учун 7 миллион евро атрофида маош олмоқда.
Фикрлар