Superklub Husanovga joy ochish uchun mashhur o‘yinchilardan voz kechadi!

“Lans” yulduzi Abduqodir Husanovga da’vogarlik qilayotgan qudratli klublar orasida “Tottenxem”ning nomi ham ko‘p zikr qilinmoqda.

Buyuk Britaniyaning nufuzli manbalaridan biri standard.co.uk portali ekspertlari “Tottenxem”ning tarkibi va transfer siyosatini tahlil qilish jarayonida jamoaga 20 yoshli o‘zbek himoyachisi kerak ekani haqida ham gap bordi.

Sports.uz portali ushbu manbaning londonliklarning transfer bozoridagi maqsadlari haqidagi tahlilini o‘zbekiston futbol ishqibozlari e’tiboriga havola qiladi.  

-  Jarohatlarning ko‘pligi ketma-ket ikkinchi mavsumda “Tottenxem”ni murakkab ahvolga solib qo‘ydi. Bosh murabbiy Ange Postekoglu agar jamoa musobaqa jadvalining ikkinchi qismidan klub mavqeiga yarashadigan yuqori o‘rinlarga ko‘tarilishni istasa, yanvarda tarkibni kuchaytirish zarur ekanini ta’kidladi.

“Shporlar” keyingi yillarda Deyan Kulusevski, Rodrigo Bentankur, Pedro Porro, Radu Dragushin va Timo Verner kabi bir necha yangi ijrochilar evaziga  tarkibni o‘zgartirib bormoqda.

Avstraliyalik bosh murabbiy bundan buyon qimmatbaho va mashhur o‘yinchilar o‘rniga kelajakda ham samara berishi mumkin bo‘lgan yosh iqtidorlarga e’tibor qaratish maqsadga muvofiq ekanini aytmoqda. Ana shu reja asosida jamoa Janubiy Koreyaning “Kanvon” jamoasidan 18 yoshli hujumchi Min Xyok Yanni olib keldi.

Postekoglu “Bizga yordam kerak. Ayniqsa, o‘yinchilarimizga ko‘mak zarur. Klub buni amalga oshirish uchun qattiq ishlayapti”, dedi.

Bosh murabbiy “yordam” deganda, yangi ijrochilarni nazarda tutdi. Chunki darvozabondan tortib, hujum chizig‘igacha kuchaytirilishi kerak bo‘lgan pozitsiyalar bor.

Xususan, klub texnik direktori Yoxan Lange yangi o‘yinchilarni ortiqcha ovozasiz, jimgina transfer qilishni xush ko‘radi. Uning asosiy nishonlaridan biri “Lans”da o‘ynayotgan Abduqodir Husanovdir.

“Tottenxem” anchadan beri “Kristal Pelas” markaziy yarim himoyachisi Eberechi Ezeni olishni mo‘ljallab yurgan edi. Lekin bu transferni yanvarda amalga oshirish deyarli imkonsiz. Shu bois, klub qishda 20 yoshli o‘zbek futbolchisi transferiga e’tibor qaratdi.

Endi himoya chizig‘ini kuchaytirish navbati keldi. Chunki himoya chizig‘i etakchilaridan Radu Dragushin to‘pig‘idan jiddiy shikastlangan. 2015 yildan beri asosiy himoyachilaridan bo‘lgan 33 yoshli Ben Devisning o‘yinida pasayish kuzatilmoqda va uelslik futbolchiga ishonch bildirilmayapti.

2020 yili “Real”dan olingan Serxio Regilon hali ham tarkibga kira olgani yo‘q va joriy mavsumda hali bitta ham o‘yin o‘tkazmadi. “Shporlar” yangi futbolchilarga joy ochish uchun Serxio Regilon va gol urolmayotgan hujumchi Timo Verner kabi o‘yinchilar xizmatidan voz kechishga tayyor, - deb yozdi standard.co.uk portali eksperti Den Kilpatrik.

Eslatib o‘tamiz, Abduqodir Husanov 2023 yilning yozidan beri “Lans” sharafini himoya qilib kelmoqda. Bugungi kunda 20 yoshli himoyachi transfermarkt.world portali tomonidan 12 million evroga baholanmoqda. Biroq “Lans” rahbariyati o‘z yulduzi uchun 30 million evro atrofida mablag‘ talab qilishi haqida ma’lumotlar chiqdi.

Demak, Husanov atrofidagi vaziyatni kuzatishda davom etamiz...

Gvardiolaning Husanovga munosabati haqida yozishdi

Tezkor! Shomurodov talash, Eldorga kutilmagan joydan ish chiqdi

Mashhur murabbiy Husanovni o‘z jamoasida kutyapti...

Fayzullaev qanday qizga uylanishini aytdi