Япон футболчиси Қозоғистонни эмас, Ўзбекистонни танлади

Қозоғистоннинг “Актобе” клуби билан музокара олиб борган япониялик футболчи Ицуки Урата фаолиятини Ўзбекистон чемпионатида давом эттирадиган бўлди.

Бу ҳақида asnews.kz сайти хабар берди.

28 ёшли чап қанот ҳимоячиси бир неча ҳафта муқаддам “Бунёдкор”дан “Актобе”га кўчиб ўтишга яқин эди. Бироқ бу режа амалга ошмади.

-   Ицуки “Бунёдкор” клубидан янги таклиф кутаётган эди ва унинг талаби бажарилди. Шу боис, “Актобе”га масаланинг ечими боғлиқ бўлгани йўқ, - деди вазиятга изоҳ берган агент Виталий Ридлевич.

Ицуки Урата Япониянинг “ЖЕФ Юнайтед Тиба” жамоаси тарбияланувчиси ҳисобланади. Орада Бразилия чемпионатида ва Япониянинг бир неча клубларида ўйнаган.

Фаолияти давомида Украинанинг “Заря Луганск”, Хорватиянинг “Вараждин” ва Словениянинг “Марибор” жамоаларида ҳам тўп тепган.

Урата “Бунёдкор”га 2024 йилнинг ёзида “Марибор”даги шартномаси тугаганидан кейин эркин агент мақомида келган.

Ўтган мавсумда япониялик чап қанот ҳимоячиси Ўзбекистон Суперлигаси ва мамлакат кубогида жами 20 та учрашувда иштирок этиб, ҳимоядаги вазифаларини бажаришдан ташқари иккитадан гол ва голли пас муаллифи бўлди.

Токиолик футболчининг трансфер суммаси бугунги кунда transfermarkt.world портали экспертлари томонидан 300 минг еврога баҳоланмоқда.  

Ҳусанов мухлисларига яхши янгилик бор!

Ҳусанов масаласида сабр қилинг!

Аламли мағлубиятдан кейин Ҳусановнинг ўйини қандай баҳоланди?