APL hujumchilari bitta golni necha daqiqada kiritishadi?

Bugun APLdagi futbolchilar bitta gol uchun necha daqiqa sarf etishayotgani bilan sizlarni tanishtiramiz. Albatta, bu nisbiy  narsa va bu o‘rtacha hisoblangan natijalardir.

Legionerlarimiz. Yurtdoshlarimizning dam olish kunlari bo‘lib o‘tgan o‘yinlari haqida

Xalqaro Chempionlar kubogi turniri haqida

“Boka Xuniors”ning qimmatbaho sotuvlari

Zlatan Ibragimovich – 156 daqiqa

Zlatan ushbu mavsum avvalida “MYu”ga kelib qo‘shildi va yangi jamoaga tezda moslashib  keta oldi. Buni  uning gollaridan ham bilish mumkin – 42 o‘yinda 27 ta gol. APLdagi natijalar ham yomon emas – 26 uchrashuvda 16 ta gol. Xaliyam, shved diskvalifikatsiya sabab APLdagi ikki o‘yinni o‘tkazib yuborishiga to‘g‘ri keldi. Bo‘lmasa, gollar hisobi yanada salmoqli bo‘larmidi… Ibragimovich statistikalarimizga ko‘ra har 156 daqiqada APLda raqiblar darvozasini ishg‘ol  etmoqda ekan.

>>“Sevilya”ning qimmatbaho sotuvlari

Diego Kosta – 141 daqiqa

Kosta bu mavsum “Chelsi”ga kelganidan buyon eng yaxshi mavsumini o‘tkazmoqda. Hozirning o‘zidayoq asli braziliyalik bo‘lgan ispan hujumchisi  18 bor raqiblar darvozasini ishg‘ol etishga ulgurdi. Shulardan 17 tasi APL o‘yinlariga to‘g‘ri keladi. Bu mavsum Kosta APLda 26 ta o‘yin o‘tkazganligini inobatga oladigan bo‘lsak, Diego har 141 daqiqada to‘p kiritayotganini ko‘rishimiz mumkin.

>>Ishsiz yurgan top murabbiylar

Aleksis Sanches – 131,1 daqiqa

Sanches xususida ham Kostaga bildirilgan fikrlarni keltirish mumkin. Aleksis bu mavsum Londonga kelganidan buyon eng yaxshi  mavsumini o‘tkazmoqda. Garchi, uning jamoasi jiddiy titullarga erishmayotgan bo‘lsada, chililik futbolchi bu mavsum 22 bor gol kiritishga ulgurdi. APLdagi gollar soni esa bu gollarning 18 tasini tashkil etmoqda. Sanchesga APLda bitta gol  kiritish uchun o‘rtacha 131 daqiqadan biroz ko‘proq vaqt kerak bo‘lmoqda.

>>Terma jamoada sovrin yuta olmagan 10 yulduz

Serxio Aguero – 127,3 daqiqa

Manchesterda oltinchi mavsumini o‘tkazayotgan Aguero bu mavsum Angliya chempionatida har 127 daqiqada gol kiritmoqda. Albatta, mavsumning aksariyat qismini zahirada o‘tkazishiga to‘g‘ri kelgani ham uning mazkur reytingdagi natijalarini yuqorilashiga olib keldi.

>>“Real” akademiyasidan ham kuchli futbolchilar chiqadi

Romelu Lukaku – 125,6 daqiqa

“Everton” tarixidagi eng qimmatbaho futbolchi sanaladigan Lukaku bu mavsum APLda to‘purarlar jadvalida karvonboshilik qilib kelmoqda. Hozirda belgiyalik hujumchi hisobida 21 ta gol mavjud va unga buncha to‘p  kiritishi uchun 30 ta o‘yin kerak bo‘ldi. Buni daqiqalarda hisoblaydigan bo‘lsak 125,6 daqiqaga teng demakdir.

>>“Tillari biyron” Pikedan o‘ziga xos iqtiboslar

Xarri Keyn – 99,7 daqiqa

Keyn bu mavsum APLda 19 ta gol kiritdi va og‘ir jarohat sabab mavsumning qolgan qismini o‘tkazib yuboradigan bo‘ldi. “Shporlar”ning asosiy hujumchisi bo‘lgan Keynga bitta gol kiritish uchun 99,7 daqiqa etarli bo‘lganini ko‘rishimiz mumkin.

>>Futboldagi abadiy do‘stlar

Olive Jiru – 97,1 daqiqa

Jiru bu mavsum asosan zahirdan o‘yinga qo‘shilib, “joker”lik qilmoqda va o‘zining muhim gollari bilan  “to‘pchilar”ni qiyin vaziyatdan olib chiqmoqda. Bizning reytingimizdagi daqiqalar va gollar nisbati bo‘yicha eng yaxshi ko‘rsatkich aynan frantsiyalik hujumchiga tegishlidir.

Izoh: Statistika 04.04.2017 holatiga

Tavsiya etamiz: 

• Hakamlar “Barselona”ga yon bosadi(mi)
• “Real”ning 7-raqam egalari
• Ahmedov Irismetovni quvib o‘tdi yoxud O‘zbekiston terma jamoasi tarixidagi eng yaxshi to‘purarlar

Shahzod Xolboev tayyorladi