“Olmaliq”ning Antaliyadagi mashg‘ulotlari boshlanmoqda

Bugundan “Olmaliq” jamoasining Antaliyadagi o‘quv-mashg‘ulot yig‘ini boshlanmoqda. Bu haqda klub rasmiy sayti xabar bermoqda.

“Olmaliq” Turkiyaning Antaliya shahridagi “Kremlin” mehmonxonasida istiqomat qilmoqda. Kunning birinchi yarmida o‘tkaziladigan mashg‘ulotlar mehmonxona hududida joylashgan maydonda olib boriladi.

Ma’lumot o‘rnida, 11-26 yanvar oralig‘ida o‘tadigan bu yig‘inda olmaliqliklar mashg‘ulotlar bilan birgalikda 4ta nazorat o‘yini o‘tkazadi. Shuningdek, bir qator xorijlik futbolchilar ham ko‘rikda bo‘lishadi.