Messining kuchi nimada?
“Barselona” darvozaboni Mark-Andre ter Shtegen jamoa sardori Lionel Messining boshqa futbolchilardan ajralib turadigan alohida xususiyati borligini aytdi.
- Messining jamoada borligi har doim ustunlik beradi. Chunki u yo‘q joydan gol yarata oladigan futbolchi. Mana shu uning kuchli jihati va boshqalardan ajratib turadigan xususiyati. Men Leo faoliyatini “Barselona”da davom ettirishga umid qilaman. Uni olib qolish uchun barcha imkoniyatlarni ishga solish kerak. Messi jamoaning asosiy futbolchisidir, - deydi tajribali darvozabon.
Joriy mavsum oxirida Messining klub bilan uzoq yillik shartnomasi o‘z poyoniga etadi. Yangi bitim bo‘yicha muzokaralar muzlatilgan. Evropaning katta klublari qishda Messi bilan muzokara boshlashga tayyorlanmoqda.
Fikrlar