"Real"da jarohatlar epidemiyasi. Bu safar Luka Yovich safdan chiqdi

Mavsumlar oralig‘ida “Real” Madrid klubiga kelib qo‘shilgan Luka Yovich bugun Xalqaro chempionlar kubogi doirasida bo‘lib o‘tgan "Atletiko"ga (3:7) qarshi o‘yinda jarohat oldi.

Serbiyalik futbolchi birinchi bo‘lim o‘rtalarida raqib jamoa darvozabon Yan Oblak bilan bo‘lgan to‘qnashuvdan so‘ng o‘yinni davom ettira olmadi va maydonni tark etdi. Ma’lumotlarga qaraganda u to‘pig‘ini qayrib olgan.

Eslatib o‘tamiz, Yovich mavsumlar oralig‘ida jarohat olgan “Real”ning birinchi futbolchisi emas. Bundan avval himoyachi Ferlan Mendi va vinger Marko Asensiolar ham jarohat olishgan edi.