Ronaldu yoshlar jamoasi bilan mashg‘ulotlarda ishtirok etmadi

Krishtianu Ronaldu bugun yoshlar jamoasi bilan mashg‘ulot o‘tkazmadi. 

Kecha "Manchester Evening News" jurnalisti Samyuel Lakxerst portugaliyalik forvard "Manchester Yunayted" U21 jamoasi bilan mashg‘ulot o‘tkazishi haqida xabar bergandi. 

Ertalab chiqqan xabarlarga ko‘ra, Ronaldu mashg‘ulotlarga yoshlar jamoasi bilan bir vaqtda etib keldi. Biroq u individual tarzda shug‘ullandi. Bu vaqtda klub bazasida asosiy tarkib futbolchilaridan hech kim yo‘q edi. 

Eslatib o‘tamiz, Ronaldu 3 kunga asosiy tarkib o‘yinchilari bilan mashg‘ulot o‘tkazishdan chetlashtirilgandi.