Бизга Файзуллаевнинг голларини кўрсатишяпти

Аббосбек Файзуллаевнинг клуби ЦСКА мавсумнинг иккинчи ярмига пухта тайёргарлик кўрмоқда. 20 ёшли ҳужумкор футболчимиз Ўзбекистон миллий терма жамоаси сафида Осиё кубогида иштирок этаётгани боис, “армиячилар”нинг  қишки йиғинларидан озод этилган.

Осиё кубогидаги иштироки якунланганидан кейин легионеримизга ўзини тиклаб олиши ва бироз ҳордиқ чиқариши учун ЦСКА мутасаддилари томонидан маълум муддатга таътил берилиши кўзда тутилган.

Яқинда ЦСКА клуби Туркиядаги йиғини давомида Ўзбекистон Суперлигаси иштирокчиси “Андижон” билан ўртоқлик учрашув ўтказган эди. Беллашувда Антон Заболотний ва Тамерлан Мусев киритган голлар “армиячилар”га 2:0 ҳисобида ғалаба келтирди.

Ушбу баҳсдан кейини ЦСКА ҳимоячиларидан бири Илья Агапов “Матч ТВ” журналистларига берган интервьюсида клубда Аббосбек Файзуллаев ва Ўзбекистон миллий терма жамоасининг Қатар мезбонлик қилаётган қитъа чемпионатидаги иштирокини кузатиб боришаётганини айтди.

— ЦСКА Ўзбекистондан келган жамоа билан ўйнади. Ҳозир Аббосбек Файзуллаев ўз мамлакати терма жамоаси сафида Осиё кубогида жуда яхўши ўйин кўрсатяпти. Унинг ўйинларини кузатиб боряпсизларми?

— Албатта, кузтяпмиз. Жамоамизнинг ижтимоий тармоқдаги чатларига унинг голлари акс этган видеолар жойланяпти, чатнинг ўзида уни табриклаб, ўйинини мақтаяпмиз.

— Кўпчилик Аббосбекни Россия Премьер-лигасининг энг зўр ўйинчиларидан бири сифатида эътироф этмоқда. Унинг чемпионатимизга шунча тез кўникиб кетганидан ҳайратландингизми?

— Аббосга офарин. Унинг жуда тез мослашиб кетгани мени ҳайратга солгани йўқ.

Чунки Файзуллаев юқори даражада ўйнаш учун яхши сифатларни ўзида мужассамлаштирган.

Аббосбек Файзуллаев ўтган йилнинг августида “Пахтакор”дан ЦСКАга трансфер қилинди. Бу трансфердан тошкентликлар 500 минг евро ишлаб олди.

Файзуллаев қисқа фурсатда ЦСКАнинг асосий таркибига ёриб кирди. Мавсумнинг биринчи ярмида Премьер-лига ва мамлакат кубогида жами 18 та учрашувда иштирок этиб, рақиблар дарвозасини икки маротаба ишғол қилди ва жамоадошларига 9 та голли пас узатди.

Россия футбол жамоатчилигининг аксарият вакиллари ўзбек футболчисини Премьер-лиганинг асосий кашфиёти сифатида эътироф этди.

Аббосбек Файзуллаев Қатар мезбонлик қилаётган Осиё кубогида ҳам ўзини етакчилик қобилиятини намойиш қилмоқда. У Ҳиндистон футболчиларига қарши ўтказилган учрашувда терма жамоамизнинг мусобақадаги голлари ҳисобини очди ва биринчи бўлиб голли пас узатди.

Нимчорак финалда Таиланд билан бўлган қийин тўқнашувда рақиб дарвозасига ғалаба тўпини киритиб, терма жамоамизни кейинги босқичга олиб чиқди.

Ўзбекистон миллий терма жамоаси ярим финал йўлланмаси учун бўладиган баҳсда Қатар футболчилари билан куч синашади. Бу баҳс 3 февраль куни Тошкент вақти билан 19:30 да бошланади.

Ўзбекистон Қатарни ютадими? Терма жамоамизни яхши биладиган экспертлар хулосаси

Легионеримиз трансферига қандай баҳо беришди?

ЦСКА Файзуллаевни қўйиб юбориши керак!

Файзуллаев ЦСКАда узоқ қолмайди – Европага кетади!

Аниқ чорлов бор: Файзуллаевга Европага кетиш йўлини ўргатишди!

Марказий Осиёда Элдор Шомуродов даражасидаги футболчи йўқ!

Ирисметов Россия клубларига Ўзбекистон ва Тожикистондан ўйинчи танлаб берди