Fayzullaev kelasi mavsumni qaysi jamoada boshlaydi?

Rossiya Premer-ligasining navbatdagi mavsumi ham yakuniga etdi. Chempionlik yana Sankt-Peterburgning “Zenit”jamoasiga nasib qildi.

Bu yil o‘zbekistonlik futbol ishqibozlari TsSKA va “Rubin” jamoalariga muxlislik qildi. Moskvaliklar musobaqani oltinchi pog‘onada, qozonliklar sakkizinchi o‘rinda yakunladi.

“Rubin”dagi legionerlarimiz Rustam Ashurmatov va Umarali Rahmonaliev uchun yuqori diviziondagi debyut mavsum muvaffaqiyatli o‘tdi. “Armiyachilar” safida ilk bor legioner sifatida o‘ynagan Abbosbek Fayzullaev Rossiya Premer-ligasining qahramonlaridan biriga aylandi.

Abbosbek Fayzullaev chempionatning so‘nggi o‘yinidan keyin o‘z fikr-mulohazalari bilan o‘rtoqlashdi.

- “Paxtakor” va “Zenit”da chempionlik ruhiyati bor. Bu ularga chempionatda g‘olib chiqishga yordam beradi.

TsSKA ham shunday bo‘lishi uchun o‘yinlarga yaxshiroq tayyorlanish kerak, uchrashuv oxirida gol o‘tkazib, muhim ochkolarni qo‘ldan chiqarmaslik uchun   diqqat-e’tiborni oxirigacha saqlab turish lozim.  Bu ko‘proq psixologiyaga bog‘liq masala.

Mavsum og‘ir o‘tdi. Biz istagandek bo‘lmadi. Biz chempionlik uchun kurashishni xohlagan edik, ayrim o‘yinlarda qimmatli ochkolarni yo‘qotdik va aynan mana shu narsa xalaqit berdi.

Kelasi mavsumda TsSKA haqiqatan chempionlik uchun kurasha oladi.

TsSKA qolamanmi? Futbolda hamma narsa bo‘lishi mumkin. Hozir birinchi navbatda dam olishni xohlayman. Futbol haqida o‘ylamasdan, shunchaki hordiq chiqargan holat anchadan beri bo‘lmadi. Charchoq yig‘ilib qoldi, chunki juda ko‘p o‘yin o‘tkazdim, - dedi Abbosbek Fayzullaev.

“Paxtakor” tarbiyalanuvchisi hisoblangan Abbosbek Fayzullaev o‘tgan yilning avgust oyida TsSKAga ko‘chib o‘tdi.  Uning shartnomasi 2026 yilning yarimigacha tuzilgan.

20 yoshli hujumkor futbolchining transferi “armiyachilar”ga 500 ming evroga tushgan. Ayni paytda Transfermarkt portali o‘zbek o‘yinchisini 5 million evroga baholamoqda.

Joriy mavsumda TsSKA safida barcha turnirlarda 31 ta o‘yinda qatnashgan Fayzullaev beshta gol va 13 ta assist muallifi bo‘ldi.

Frantsiyada Husanovni tanlashdi!

Xorijlik futbolchilar Fayzullaevga qanday baho berdi?

Mashhur murabbiy o‘zbek futbolini Qozog‘istonnikidan ustun qo‘ydi

Fayzullaev: Nimalar deyapmiz, hech qachon spirtli ichimlik ichmaganman!

Bu mag‘lubiyat Fayzullaev uchun alamli bo‘ldi

Fayzullaev kutilmagan "sinov"ni qanday engib o‘tdi?

Shomurodov bo‘yicha yangi muzokara bo‘ladi!

Fayzullaev bir pog‘ona ko‘tarildi

Legionerimiz Parijda chempion bo‘lmoqchi!

O‘zbekistonda tug‘ilgan futbolchi “Evro-2024”da ishtirok etadi