Франция клуби футболчимизни жиддий кузатмоқда
ФИФА кунлари муносабати билан миллий чемпионатларда танаффусга юзага келган. Европанинг кучли бешлигидаги аксарият клублар ўз ўйинчиларни миллий терма жамоалар йиғинларига ва ўйинларига жўнатган.
Франция чемпионатида иштирок этаётган “Ланс” клуби ҳам ўн бир нафар футболчисини турли мамлакатлар терма жамоасига юборган эди. Хусусан, Дейвер Мачадо Колумбия, Факундо Медина Аргентина, Салис Абдул Самед Гана, Кевин Дансо Австрия, Брис Самба Франция, Фоде Силла Франция U-18, Абдуқодир Ҳусанов Ўзбекистон U23, Нил Ал-Айнауий Марокаш U23, Аянда Сушиба Бельгия, Энди Диуф ва Элье Вахи Франция ёшлар терма жамоаларидан чақирув олган.
“Ланс” клуби мутахассислари терма жамоалар ихтиёрига кетган ўйинчиларнинг учрашувлардаги кўрсаткич ва натижаларини жиддий кузатиб бормоқда.
Ўзбекистон ёшлар терма жамоаси сафида 23 ёшгача бўлган футболчилар иштирокидаги Осиё кубоги саралаш турнирида қатнашаётган Абдуқодир Ҳусанов ҳам ўз клуби мутасаддиларининг нишонида турибди.
- “Ланс” ҳимоячиси Абуқодир Ҳусанов Осиё кубоги U23 саралаш мусобақасида Ўзбекистон терма жамоаси шарафини ҳимоя қилмоқда. Биринчи турда Афғонистон устидан қозонилган 8:1 ҳисобидаги ғалабадан кейин Ҳусанов Гонконг вакилларига рўбарў келди.
Абдуқодир Ҳусанов тўлиқ ўйнаган баҳсда ўзбеклар гонконгликлар дарвозасига жавобсиз ўнта тўп киритди. Бу ғалаба эвазига Ўзбекистон саралашда ажойиб натижа кўрсатиб, икки учрашувда олти очко тўплади.
Энди ўзбекистонликларни Эрон билан учрашув кутмоқда, - деб ахборот тарқатди https://www.lensois.com сайти.
Бундан ташқари, “Ланс” жамоаси мухлислари ҳам Абдуқодир Ҳусановнинг Ўзбекистон ёшлар терма жамоасидаги фаолиятини кузатяпти. Буни “ланс” фанатларининг ижтимоий тармоқларда Абдуқодир Ҳусанов ҳақида фикр-мулоҳазаларидан билиб олса бўлади.
Gradit Le Meilleur:
Жамоа бу даражадаги футболчига жой топиши керак. Ҳусановнинг жисмонан бақувват, шунга қарамай, техникаси яхши ва клуб уни жамоага мослаштириш йўлишида иш олиб бориши керак.Футболчида тўғри жой танлаш, иккинчи қаватда курашиш қобилияти бор. Бунақа кўрсаткичга эга футболчиларни Париж атрофидан топиб бўлмайди.
Ҳар қандай ҳолатда ҳам Ҳусанов ўйнаётгани муҳим. Гарчи турнирда Абдуқодирга жиддий қаршилик кўрсатадиган рақиб бўлмаса ҳам. Терма жамоада унга ўйин амалияти бериляпти ва бу унинг фойдасига хизмат қилади.
Buko:
Ўйинда жуда кўп омиллар роль ўйнайди. Энг муҳими, психологик кўрсаткичлар. Ўйинчиларнинг бир биридан қарқи шунда. Лекин жисмоний қувват, яхши техника ва ғолиблик менталитетини ўзида уйғунлаштирган футболчилар жуда кам учрайди.
Ҳозир бир ёш футболчи ҳақида гапиряпмиз. У ҳамон тенгқурлари ўртасида салоҳиятининг юқорилиги бўйича ўз позициясида дунёнинг энг кучли ўнталигида турибди. Абдуқодир узоқ вақт қидириладиган топилмадир. Бизнинг минтақамизда бу каби истеъдодлар кўп эмас, акс ҳолда гранд клублар уни қолдирмай олиб кетарди.
Chblond:
Ёшлигиданоқ профессионал бўлиш осон эмаслигини билсангиз эди.
Bucephale:
“Лилль”, “Ренн”, “Лион” каби жамоалар 30 миллион евроларга ҳимоячи сотиб олиб юрибди.
Фикрлар