Футболчилар қайта баҳоланади: Шомуродовнинг янги устози жамоани ўзгартира бошлади!
“Рома”да жиддий ўзгаришлар бўлди. Жамоанинг мавсум бошидаги натижаларидан қониқмаган раҳбарият клуб афсонаси бўлган Даниэле Де Россини бош мураббийликдан озод қилди.
Жамоа хорватиялик мутахассис Иван Юричга топширилди.
49 ёшли мутахассис 2001 йилдан бери Италия футболида фаолият кўрсатмоқда. Ўша йили “Кротоне”га футболчи сифатида келган Юрич профессионал футболчилик фаолиятини 2010 йили “Женоа”да тугатди.
Бир неча қатор жамоаларда мураббийлик сир-асрорларини ўрганган Иван Юрич мустақил бош мураббий сифатигани ишини 2014 йили “Мантова” жамоасида бошлаган. Ўн йил ичида “Кротоне”, “Женоа”, “Верона” ва “Торино” каби клубларда бош мураббийлик қилди.
Энди “Рома” даражасидаги клубни қабул қилиб олди. Айрим мутахассислар хорватиялик мураббий илгари топ-жамоаларни бошқармагани учун “Рома”нинг танловини танқид қилмоқда. Бироқ топ-клубдаги ишни қачондир бошлайдиган давр бўлади-ку. Юрич фаолиятида ана шу палла мана энди келди.
Иван Юрич олдига қўйилган масъулият ўзгаргани йўқ. Минимум вазифа жамоани Европа Чемпионлар лигасига олиб чиқиш. А Серияда трансфер бозори ёпилган. Янги устоз ўзига ёққан ўйинчиларни олиб келолмайди. Демак, Юрич таркибда бор футболчилар билан ишлашига тўғри келади.
Клуб раҳбарияти таркибда юқори савияли ўйинчилар йиғилганини таъкидламоқда. Нуфузли манбалардан calciomercato.com сайтининг маълум қилишича, янги устоз барча шогирдларининг имкониятларини қайта баҳолаб чиқади.
Шу ўринда, Элдор Шомуродовга кўпроқ имкон берилиши кутилаётганини таъкидлаш жоиз. Чунки Иван Юрич ўзбек ҳужумчисини бир неча маротаба аввалги жамоаси “Торино”га олиб келишга ҳаракат қилган. Хорватиялик мутахассис Элдорни ўзи қўллайдиган ўйин услубига тўлиқ мос тушишини бир неча бор таъкидлаган.
Хусусан, Юричга легионеримизнинг марказий ҳужумчи сифатида бўй-басти,олдинги чизиқда бир неча позицияда эркин ҳаракат қилиши, боши билан яхши ўйнаши, тезкорлиги ва қанотлардан ҳужум уюштиришга ҳам усталиги маъқул келгани ҳақида илгари кўп таҳлилчилар ўз фикр-мулоҳаҳаларида айтиб ўтган.
“Рома” хўжайинлари Дэн ва Райан Фридкинлар, бош директори Лина Сулуку хоним ҳозирги таркиб жамоа олдига қўйилган вазифалар учун курашишга тайёр, ҳамма гар бош мураббийнинг маҳоратига боғлиқ эканини таъкидлади.
Иван Юрич ҳам вақтни бой бермай ишга киришди. Бу мутахассис жамоага ўз қоидаларини киритиб, кун тартибида ўзгаришлар бўлишини маълум қилди. Юрич жамоа бирдамлигини таъминлаш мақсадида ўйинчиларнинг машғулотлардан кейин тўғри уйига кетишига чек қўйди.
Энди “Рома” футболчилари куннинг иккинчи ярмида бўладиган машғулотлардан кейин Тригориядаги база кечгача қолади. Жамоа умумий кечки овқатдан кейингина дам олиш учун уйига кетишига рухсат берилади.
Иван Юричнинг янги методлари қанчалик самара беришини 22 сентябрь куни “Олимпико” стадионида “Удинезе”га қарши бўладиган баҳсдан сўнг билиб оламиз.
Бундан ташқари, “бўрилар”ни 26 сентябрь куни жиддий рақиб кутиб турибди. Шу куни Шомуродов жамоаси Европа лигаси умумий босқичидаги илк учрашувини ўз майдонида Испаниянинг “Атлетик” клубига қарши ўтказади.
Суперўйин кўрсатган Файзуллаев қандай баҳоланди, Аббос ғалабадан кейин нималар деди?
Файзуллаев жамоага ғалаба келтириш қандай бўлишини кўрсатиб қўйди!
Машҳур мураббий Шомуродовга эмас, Роналдуга устозлик қиладиган бўлди!
Шомуродовни "Рома"да олиб қолган мураббий нега ишдан олинди?
Ҳайратдамиз, Ҳусанов бу гал ҳам боплади! Франциялик мухлислар легионеримиз ҳақида яна нималар деди?
“Ланс”: Улар Ҳусановни танлашди! Абдуқодир Манчестерга 60 миллион еврога кетган Лени Йородан анча кучли...
Ана холос: “Рома”ни Шомуродовни яхши кўрадиган мураббий бошқариши мумкин!
Фикрлар