Кечаги куннинг муҳим хабарлари
Ads

Кеча сайтимизда ўзбек ва хориж спортига оид кўплаб хабарлар чоп этилди. Улар орасида сайтимиз кузатувчилари қуйидагиларни кўпроқ мутола қилишди.

Сиз кечаги кунинг муҳим хабарларини ўтказиб юборган бўлсангиз, унда бу сиз учун айни муддао.

• Хабарингиз бор, SPORTS.uz интернет ахборот портали "Омадли тақвим" дея номланган совринли ўйинни йўлга қўйган. Кеча мазкур ўйинимизнинг 13-сони тақдим этилди. SPORTS.uz сайтида жонли эфирда намойиш этилган ўйинда 37 нафар иштирокчи ғолибликни қўлга киритди.

• Ўзбекистон Суперлигаси 12-туридан ўрин олган "Пахтакор" ҳамда "Қизилқум" жамоалари ўртасидаги ўйинда мезбонлар 8:0 ҳисобидаги йирик ғалабани қўлга киритишди. Голларга Игорь Сергеев (3 та), Марат Бикмаев (2 та), Драган Черан (2 та) ва Владимир Козак муаллифлик қилишди.

• Суперлига 12-туридан ўрин олган "Динамо" ҳамда "Локомотив" жамоалари ўртасидаги Самарқанд шаҳрида кечган учрашувда мезбонлар 2:1 ҳисобида рақибдан устун келишди. Қадамбой Нурметов томонидан киритилган 2 та голга "темирйўлчилар" сафида Темурхўжа Абдухолиқов бир бор жавоб қайтарди.

• ПСЖ ҳужумчиси Неймар “Реал”нинг қизиқишлар доирасига кирмайди. “Қироллик клуби” бразилиялик футболчи учун курашда иштирок этмайди. Гап шундаки, “Реал” Неймарни 300 миллион евро бўлса ҳам, хатто 100 миллион евро бўлса ҳам сотиб олмайди. Уларнинг мақсади Мбаппе.

• “Бенфика” вингери Жоау Фелиш учун Мадриднинг икки гранди – “Реал” ҳамда “Атлетико” ўзаро кураш бошлади. “Қироллик клуби” 19 ёшли “янги Роналду” учун лиссабонликларга 80 миллион евро ва унга қўшимча 50 миллион евро бонус таклиф қилишган. Бироқ, “Бенфика” раҳбарияти “Реал” билан бу борадаги музокаралар ўтказишни рад этди.

• Америка кубоги "C" гуруҳи 2-туридан ўрин олган Уругвай ҳамда Япония терма жамоалари ўртасидаги ўйинда 2:2 ҳисобидаги жанговар дуранг қайд этилган. Шу тариқа, Уругвай ҳисобидаги очколар сони 4 тага етди ва жамоа турнир жадвалида пешқадамликни давом эттирмоқда. Япония эса 1 очко билан 3-ўринга кўтарилиб олди.

• Неймарнинг янги жамоаси қайси бўлиши ҳақида футбол оламида турли миш-мишлар юрипти. Улар орасида асосан “Реал” ва “Барселона” клублари кўп тилга олинмоқда. Мадридликлар ҳужумчиси Карим Бензема ўзининг Инстаграмдаги саҳифасига Неймар билан бирга тушган суратини жойлаштирди. Баъзилар ушбу сурат бразилиялик футболчининг “қироллик клуби”га ўтишига яна бир шаъма деб айтишмоқда.

• Аргентиналик футбол афсонаси Диего Марадона ўзининг соғлиги ҳақида тўхталиб ўтди. 58 ёшли мутахассис яқиндагина елкаси ва тиззасидан операция қилинган эди. Айнан соғлигидаги муаммолар сабаб у Мексиканинг “Дорадос” клуби бош мураббийлиги лавозимини ҳам тарк этди.

• Кеча Суперлигада 12-тур ўйинлари старт олди. Кун доирасидан иккита учрашув ўрин олганди. Амалдаги чемпион кўҳна ва навқироқ Самарқандга борди. Вице-чемпион ўз майдонида навоийликларни қабул қилди. Чемпионни Самарқандда жиддий, вице-чемпионни Тошкентда осон ўйин ўтказди.

• Тожикистон миллий терма жамоасини сиз-у, бизга яхши таниш бўлган мутахассис Усмон Тошев бошқариб келмоқда. Бунга қадар у Тожикистон олимпия терма жамоасига устозлик қилган бўлса, энди ўз-ўзидан миллий жамоа бошқарувини ўз қўлига олган. У Марчелло Липпи билан суҳбат, кейинги режалар, ЖЧ саралашидаги бўлажак рақиблар, ЎФАдаги ўзгаришларга муносабати билдирди.