“Милан” мураббийи Шомуродовга эътибор қаратди

Янги мавсум Ўзбекистон миллий терма жамоаси сардори ва тўпурари Элдор Шомуродов учун алоҳида аҳамият касб этиши кутилмоқда.

Легионеримиз, ниҳоят, ўзига мос жамоа ва унга катта ишонч билдираётган тажрибали бош мураббий қўл остида тўп тепади.

“Милан” клубида ёшлар билан ишлаётган тажрибали мутахассис Марио Беретта А Серияга қайтган “Кальяри” ҳақида гапирар экан, Элдор Шомуродов масаласида алоҳида тўхталиб ўтди. Бу мутахассис “Милан”га боргунга қадар “Кальяри”да ёш футболчиларни тайёрлаш билан шуғулланган. Шунинг учун Беретта А Серияда ҳар икки жамоани кузатиб боради.

- Марио,“Кальяри”нинг А Серияга чиқиш учун “Бари”га қарши ўтказилган иккита ҳал қилувчи учрашуви қандай таассурот қолдирди?

- “Каляьри” мезбонлик қилинган биринчи учрашувда “Бари” яхшироқ ўйин кўрсатди ва шунга яраша кўпроқ хавфли ҳужумлар ташкил қилди. Айнан ўйин жиҳатидан “Бари” майдон эгаларидан устун эди.

(Биринчи ўйинда 1:1 ҳисоби қайд этилган – sports.uz маълумоти)

Мавсум охирида катта босим остида ўтадиган ўйинларда омад ҳам муҳим аҳамият касб этар экан. “Бари” мухлислари кўз ўнгида бўлган иккинчи финалда Майкл Фолоруншо “Кальяри” ҳужумчиси Паволеттининг беллашув охирида киритган голидан бир неча дақиқа олдин тўп киритиш имкониятини ва жамоасини юқори дивизионга олиб чиқиш имкониятини қўлдан чиқарди.

(Иккинчи учрашувда Паволеттининг ягона голи “Кальяри”ни А Серияга қайтарди – sports.uz маълумоти)

- А Серия бошланишига икки ҳафта вақт қолган паллада “Кальяри”нинг тайёргарлигини қандай баҳолайсиз? Жамоа шаклланиш жараёнида Рог ва Лападула жароҳат олиб, сафдан чиқди. Уларнинг ўрнини сифатли ижрочилар билан тўлдириш шартми?

- Албатта, мавсумни бошлаш учун яхши асосга эга жамоа бор. Лападула ва Рогнинг жароҳати оғир қабул қилиняпти. А Серияда муваффақиятли ўйнаш учун таркиб тўлиқ бўлиши ва футболчиларнинг сони ҳам аҳамиятга эга бўлади. Айниқса, хорватиялик футболчига ачиндим. Тизза бўғимларнинг кетма-кет учинчи маротаба шикастланишидан кейин оёққа туриш қийин бўлади. Мен унинг тезда тикланиши тарафдориман, лекин клуб бу вазиятга тўғри баҳо бера олиши керак.

Ҳозирги таркибни инобатга олиб, яқин келажакда трансфер бозорига кириш шарт, деб ҳисоблайман. Чунки А Сериянинг савияси қуйи лиганикидан анча баланд ва ўйинлар сони ҳам кўп. Айниқса, Италия кубогига ҳам эътибор қаратиш қаратиш керак. Шуларни инобатга олиб, “Кальяри” таркибни кучайтиришга муҳтож.

- Сизнингча, Клаудио Раньери янги олинган ҳужумчи Элдор Шомуродовдан қайси позицияда фойдаланади? Бу футболчи ҳужумларни ташкил қилиш ва уларни якунлашни билади. Лекин охирги мавсумларда унинг голлари сони камайиб кетди.

- Раньери ҳар доимгидек иккита ҳужумчи билан ўйнайди. Ҳозир унинг қўл остида Паволетти, Лувумбо ва Шомуродов бор. Фойдаланиладиган тактик схемалар, ўйин ғояси ва рақибга қараб, бу ҳужумчилар орасидан исталган иккитасини илк дақиқалардан майдонга тушириш мумкин.

Ўзбек ҳужумчисининг голлари сони камлигини “Специя” ва “Рома”да ўйин давомида кўпинчи захирадан майдонга тушгани билан изоҳлаш мумкин.  Форвардларнинг роли шунақа: бир-икки мавсум кўп гол ура олмайди, кейин бирдан “портлаб”, мунтазам равишда икки хонали сонларни қайд этадиган ҳолатлар кўп учрайди. Албатта, бу кўп нарсага боғлиқ. Масалан, жамоадаги муҳит, бош мураббий қарашлари, вазиятдан келиб чиқади.

Бу борада бир фактга эътибор қаратайлик. Элдор Шомуродов Италия чемпионатини яхши билади. Чунки бир неча мавсумдан бери А Серияда. Энди Элдор ўзига ишонч билдираётган клуб формасини кийди, ўзи учун идеал жамоага тушди ва бу ҳужумчининг қайта очилиши ҳамда бор салоҳиятини яна намойиш этишига хизмат қилади.

Эслатиб ўтамиз, "Кальяри" легионеримизни "Рома"дан кейинчалик сотиб олиш ҳуқуқи билан бир мавсумга ижарага олди. Келаси ёзда сардинияликлар ўзбекистонлик форвардни 9 миллион еврога тўлиқ трансфер қилиши мумкин. Ана шу мақсадда, клуб Шомуродов билан 1+3 кўринишида шахсий шартнома ҳам расмийлаштириб қўйган. 

Россияда Файзуллаевни мақтаётганлар кўп, лекин айримларга бу трансфер ёқмаяпти!

Шомуродов “Рома”га қайтиши учун Моуриньо қандай шарт қўйган?

Шомуродов: Мессига ҳеч қандай алоқам йўқ! (фото)

Легионеримиз ўзига жой танлади!

Шомуродов Европани забт этишга йўл олган ўзбек футболчисига катта баҳо берди

Бу ерда Шомуродов ҳақида яхши гаплар бўляпти

“Кальяри” етакчи футболчиси Шомуродов ҳақида нима деди?