Россияда Файзуллаевни мақтаётганлар кўп, лекин айримларга бу трансфер ёқмаяпти!

“Пахтакор” тарбияланувчиси Аббосбек Файзуллаевнинг Россия Премьер-лигаси етакчиларидан ҳисобланган ЦСКА жамоасига трансфери қисман кутилмаган ҳаракат сифатида баҳоланаётганини таъкидлаш жоиз. Ўзбекистонда мавсум қизғин паллага кирган бир пайтда “Пахтакор” етакчи ўйинчиларидан биридан айрилди.

Айни пайтда 19 ёшли футболчимизнинг трансферини ўзбек футболини яхши билан Россиядаги мураббийлар кенг муҳокама қилмоқда. Уларнинг аксарияти Аббосбекка катта ишонч билдиряпти. Бироқ, бу трансферга шубҳа билан қараётганлар ҳам йўқ эмас.

Ўзбек футболини яхши биладиган Юрий Белоус https://metaratings.ru сайтига берган интервьюсида футболчининг имкониятларини юқори баҳолади.

- Файзуллаев ёшлар миқёсида ўзини кўрсата олди ва етакчилардан бири эди. Умуман олганда, жамоанинг ўзи яхши шаклланганди. Бу ёш футболчиларнинг кучли авлоди ҳисобланади.

Энди Аббосбек ЦСКАга қай даражада мослаша олади, буни олдиндан билиб бўлмайди. Чунки кўп нарса бош мураббийга боғлиқ бўлади. Бироқ, трансфер масаласи ҳал этилиб, уни жамоага олишган экан, унга ишонч билдиришмоқда.

- Унинг футболчи сифатида асосий қобилиятларини айтиб бера оласизми?

- Унинг техникаси кучли ва тезлиги бор. Бу ўйинчини озгина чарҳлаш керак.

Бироқ, биз жаҳон футболида жисмоний кўрсаткичлари билан ажралиб турмайдиган жуда кўп юлдузлар борлигини яхши биламиз.

- ЦСКАда самарадорлик масаласида камчилик бор. Аббосбек бу вазифага мос келадими? Ҳужум чизиғига ёрдам бера оладими?

- Ёрдам беришга беради, лекин у тўпурар эмас, шунинг учун ҳам ундан дарров асосий тўпурарга айланишини кутиш тўғри бўлмайди. Жамоада гол урадиган ва буни бажаришга масъул бўлган бошқа футболчилар бор. Масалан, Фёдор Чалов.

- Ҳозир ЦСКАдагилар жамоа олдига қўйилган вазифаларни уддалашга қодир эмас, деган тахминингиз йўқми?

- Олдинда ҳали бир ой вақт бор. ЦСКА ўз олдига катта мақсадларни қўйган ва ҳали таркиб янада кучайтирилишини кутишимиз мумкин. Лекин ёш футболчи учун воқеаларнинг бу тарздаги ривожи ижобий ҳолат. Футболчининг сифатиа сарфланган харажатга мос.

Бу интервьюдан Юрий Белоус Аббосбек Файзуллаевнинг трансферига ижобий баҳо бераётганини билиб олиш қийин эмас.

Лекин ЦСКАнинг собиқ ўйинчиси Валерий Масалитин бироз бошқача фикрда. Бу мутахассис клуб маҳаллий футболчиларга таяниши кераклигини таъкидламоқда.

- ЦСКАда Ярослав Арбузов каби ёш иқтидор эгаси бўла туриб, нега хорижлик футболчини олишганини тушунмайман.  Агар тажрибали ўйинчи келганида бунақа саволга ўрин қолмас эди. Файзуллаев деганларининг қўлидан нима келишини кўрамиз, - деди Валерий Масалитин.

Таъкидлаш жоизки, ЦСКА клуби “Пахтакор” тарбияланувчиси трансферини 4 август куни расман эълон қилинди. Файзуллаев билан москваликлар 3+1 кўринишида шартнома имзолаган. Аббосбек янги жамоасида 21-рақам остида тўп тепади.

Шомуродов “Рома”га қайтиши учун Моуриньо қандай шарт қўйган?

Шомуродов: Мессига ҳеч қандай алоқам йўқ! (фото)

Легионеримиз ўзига жой танлади!

Шомуродов Европани забт этишга йўл олган ўзбек футболчисига катта баҳо берди

Бу ерда Шомуродов ҳақида яхши гаплар бўляпти

“Кальяри” етакчи футболчиси Шомуродов ҳақида нима деди?