Муҳаммад Салоҳ энди “Ливерпуль”га ёрдам бера олмайди
Миср терма жамоаси ўйинлари олдидан укасининг тўйига бориб, коронавирус юқтириб олган Муҳаммад Салоҳ энди бир нечта учрашув давомида “Ливерпуль”га ёрдам бера олмайди.
“Ливерпуль”нинг асосий ҳужумчиси топширган иккинчи тест ҳам мусбат натижа берди. Шу сабаб, Муҳаммад Салоҳ яна бир ҳафта Мисрда қолиб, даволаниши шарт. Премьер-лиганинг тиббий протоколига кўра, Англияга бошқа мамлакатдан келган ҳар қандай футболчи жамоа машғулотларига қўшилиши учун ўн кун карантинда ўтириши керак.
Муҳаммад Салоҳ бир ҳафтадан сўнг тузалиб, Англияга қайтган тақдирида ҳам 10 кун изоляцияга олинади. Бунинг натижасида мисрлик тўпурар “Арсенал”, “Лестер”, “Аталанта” ва “Брайтон”га қарши ўйинларида жамоасига ёрдам бера олмайди.
Фикрлар