“Рома” ҳужумчиларидан бирини сотишга қарор қилди. У ким экан?
Eldesmarque.com нашрининг хабар беришича, Испаниянинг “Валенсия” клуби “Рома” ҳужумчиси Карлес Пересга жиддий қизиқмоқда.
Манбанинг маълум қилишича, испанияликлар 23 ёшли ҳужумчини ижарага олиш бўйича Рим клуби мутасаддиларига мурожаат қилган. “Рома” вакиллари испан ҳужумчисини ижарага бермасдан тўлиқ сотиб олишни таклиф қиляпти.
Шунинг учун бу трансфер “Валенсия” мавсум охирида Пересни трансфер қилиш мажбуриятини олсагина амалга ошади.
Карлес Перес жорий мавсумда барча турнирларда 19 та учрашув ўтказиб, иккита гол ва битта ассист муаллифи бўлди.
Испаниялик ҳужумчи 2020 йили “Рома”га “Барселона”дан трансфер қилинган. У каталонияликлар сафида 11та учрашувда қатнашиб, битта гол уришга муваффақ бўлган.
“Рома” Мхитаряндан нега воз кечаётгани маълум бўлди
Яқинда “Рома” клуби мавсум охирида шартномаси тугайдиган Генрих Мхитарян билан хайрлашиши ҳақида хабарлар тарқатилган эди.
Бугунги кунда арманистонлик ярим ҳимоячи “бўрилар”нинг энг самарали футболчиларидан ҳисобланади. У Лоренцо Пеллегрини сафдан чиққанидан кейин плеймейкер ва ҳужумкор ярим ҳимоячи вазифаларини бажариб келмоқда.
Манбаларнинг таъкидлашича, Генрих зўр ўйнаётганига қарамай, “Рома” ундан воз кечишига ёши ва маошининг катталиги сабаб бўлаётган экан. Клуб раҳбарияти ҳар бир мавсум учун 3 миллион евро маош олаётган 33 ёшли ярим ҳимоячи узоқ муддатли шартномага лойиқ эмас, деган қарор келган ва ўрнига ёш футболчи олишни режалаштирмоқда.
Мхитарян жорий мавсумда барча турнирларда 28 маротаба ўйинга тушиб, ўз ҳисобига учта гол ва еттита голли пас ёздириб қўйди.
Фацио кетишга рози бўлди
“Рома”нинг аргентиналик ҳимоячиси Федерико Фацио клуб билан муддатидан олдин шартномани бекор қилишга кўнди.
Жозе Моуриньо 34 ёшли тажрибали футболчини биринчи жамоа сафидан чиқарди ва унга умумий гуруҳда шуғулланиш имконини ҳам бермади. Аргентиналик ўйинчининг клубда қолишидан ҳеч қандай умид йўқ.
“Рома”нинг мусобақалар учун қайдномасига ҳам киритилмаган Фацио мавсум охиригача клубда қолишни режалаштираётган эди. Бироқ клуб мутасаддилари уни шартнома якунланишига ярим йил қолган пайтда битимни бекор қилишга кўндирди.
Фационинг бу келишувга кўнишига унга “Салернитана”дан таклиф тушгани туртки бўлди. А Серия аутсайдери бу ўйинчи трансфери учун пул тополмайди. Лекин Фационинг “Рома” билан битими бекор қилинса, уни эркин агент сифатида ўз сафига қўшиб олиши мумкинлигини билдирди.
Федерико Фацио “Рома”даги олти йиллик фаолияти давомида “бўрилар” сафида 169 та ўйин ўтказиб, 14 та гол ва 3 та голли пас муаллифи бўлган.
“Рома” футболчиси рақиб жамоага кетди
“Рома”нинг 19 ёшли футболчиси Риккардо Чьерво фаолиятини “Сассуоло”да давом эттирадиган бўлди.
Римликлар ҳужумкор футболчини кейинчалик сотиб олиш мажбурияти билан мавсум охиригача ижарага жўнатди.
Чьерво 2020 йилдан бери Рим клуби футболчиси ҳисобланади. У жорий мавсумнинг биринчи ярмини ижара асосида “Сампдория”да ўтказди. Ёш ўйинчи генуяликлар сафида барча турнирларда 12 марта майдонга тушди, бироқ самарали ҳаракатларни амалга ошира олмади.
Фикрлар