Шомуродов: Карпин Италияда бу жамоани чемпион қиларди!

Ўзбекистон ва Россия миллий терма жамоалари ўз тарихида илк бор ўртоқлик учрашувида куч синашди. “Пахтакор” марказий стадиони мезбонлик қилган баҳс тенгкурашлар остида ўтди. Учрашувда ҳисоб очилмади.

Ушбу ўртоқлик ўйини муҳокамаси тобора авж олиб бормоқда. Ўйинда иштирок этган футболчилари, мураббийлар, мутахассислар ўз фикр-мулоҳазаларини билдирмоқда.

 Тошкентда ташкил этилган иккита ўртоқлик баҳси – Қозоғистон ва Россия терма жамоаларига қарши баҳсларда кўпчиликнинг эътибори “Рома” вакили Элдор Шомуродовда бўлди.

27 ёшли ҳужумчимиз биринчи учрашувда Қозоғистон дарвозасига тўп киритиб, терма жамоамизнинг ғалабасини таъминлади.

Россия футболчилари билан бўлган баҳсда Элдор рақиб дарвозасига йўл топа олмади.

Элдор Шомуродов учун россияликларга қарши беллашув алоҳида аҳамият касб этди. Чунки меҳмон терма жамоага айни пайтда Валерий Карпин бош мураббийлик қилмоқда. Ўз даврида зўр футболчи бўлган ва Европа футболида ҳам ном қозонган бу мутахассис Шомуродовни “Ростов”да ўйнатганини яхши биласиз.

Хуллас, Элдор илк бор ўз устози тайёрлаган жамоага қарши тўп сурди. Россиялик журналистлар ўйиндан кейин легионеримиздан Валерий Карпиннинг мураббий сифатидаги салоҳияти ва имкониятига баҳо беришни сўради.

- Карпин жуда кучли мутахассис. Россияда энг зўри. У Италияда ҳар қандай жамоани, хусусан “Ювентус”ни бошқаришга қодир. Карпин “Ювентус”га чемпионликни қайтариб олиб берарди, - деди Элдор Шомуродов.

Қизиғи шундаки, rетма-кет 10 йил давомида Италия чемпиони бўлган “Ювентус” Шомуродов А Серияга кўчиб ўтганидан бери скудеттони қўлга кирита олгани йўқ. Кейинги икки мавсумда чемпионлик Милан клублари – “Интер” ва “Милан”га насиб қилди. Жорий чемпионатда эса “Наполи” якка пешқадамга айланган.

Мен бу эртакларга ишонмайман!

Россия миллий терма жамоасининг Марказий Осиёдаги ўртоқлик ўйинларини  таниқли мутахассис Сергей Юран ҳам муҳокама қилди.

Биласиз, россияликлар Тожикистон ва Ўзбекистон дарвозаларига тўп кирита олмади. Айнан мана шу ҳолат Россияда кўп муҳокамаларга сабаб бўлмоқда. Рус матбуотида Валерий Карпин шогирдлари иккита учрашувдан бирортасида ғалаба қозона олмагани танқид қилиняпти. 

- Биз нега Тожикистон ва Ўзбекистон терма жамоаларини енга олмаганимизни умуман тушунмайман. Агар мен терма жамоа бош мураббийи бўлсам, бунинг сабабини мендан сўрайсизлар.

Ҳозир ҳамма савол Карпинга. Ўзбекистон ва Тожикистон кучли рақиб экани ҳақидаги эртакларга ишонмайман, - деди Сергей Юран.

Бу ўйинлар керак эди!

Россия терма жамоаси ярим ҳимоячиси Данил Глебов Тожикистон ва Ўзбекистон футболчилари билан бўлиб ўтган беллашувлар анча фойдали ва аҳамиятга эга эканини таъкидлади.

- Бунақа ўртоқлик ўйинлари  албатта керак.

Нега деганда, Россия терма жамоаси сафига Пиняев ҳамда Карпукас каби ёш ўйинчилар қўшилди.

Уларни биринчи марта миллий жамоага чақиришди, янги қўшилганлар бу ердаги талаб ва муҳитни яхши билиб олишлари шарт. Ўртоқлик учрашувлари уларнинг тезроқ мослашишига хизмат қилади, - деди Данил Глебов.

Россия футболчилари Ўзбекистоннинг кучига қандай баҳо берди?

Ўрунов ЦСКАда ўйнаб кетарди, ҳозир бошқа футболчимиз “Спартак”да ўйнашга қодир!

Карпин “Рома”да ўйнай олмаётган Шомуродовга яна қимматли маслаҳат берди, зора ҳаммаси ўзгарса!

Ўрунов жамоасиз қолганининг ҳақиқати очилди!

Италия клуби Шомуродовга жой бериш учун тактикасини ўзгартиришга қарор қилди

Италия клуби Шомуродов трансферига муносабат билдирди

Шомуродов устозини Италияга чақиряпти!

Шомуродов ва Абрахамдан кейин Дибала ҳам “Рома”дан кетадиган бўляпти!