Shomurodov muxlislariga yoqadigan ma’lumot
Frantsiya poytaxti Parij shahri mezbonlik qilayotgan yozgi Olimpiya o‘yinlari futbol musobaqalarida 16 mamlakat terma jamoalari ishtirok etmoqda.
Musobaqa qoidasiga ko‘ra, Olimpiadada 23 yoshgacha bo‘lgan futbolchilardan tarkib topgan jamoalar qatnashadi. Har bir terma jamoa yoshi katta uch nafar tajribali o‘yinchi yordamidan foydalanishi mumkin.
O‘zbekiston U-23 terma jamoasi murabbiylar shtabi Olimpiya o‘yinlariga yoshi katta o‘yinchilardan Eldor Shomurodov, Husniddin Aliqulov va Oston O‘runovni kiritgan.
Sports.uz portali Evropaning etakchi ligalaridan Parij Olimpiadasiga jalb qilingan 20 nafar eng mashhur charm to‘p ustalari ro‘yxatini futbol ishqibozlari e’tiboriga havola etadi.
Aleksandr Lyakazett, Frantsiya, “Lion”
Mixael Olise, Frantsiya, “Bavariya” Myunxen
Dezire Due, Frantsiya, “Renn”
Jan-Filipp Mateta, Frantsiya, “Kristal Pelas”
Rayan Cherki, Frantsiya, “Lion”
Nabi Keyta, Gvineya, “Verder” Bremen
Xulian Alvares, Argentina, “Manchester Siti”
Klaudio Echeverri, Argentina, “Manchester Siti”
Nikolas Otamendi, Argentina, “Benfika”
Ashraf Hakimi, Marokash, PSJ
Junior Firpo, Dominikan Respublikasi, “Lids Yunayted”
Muhammad Elneni, Misr, “Arsenal”
Erik Garsiya, Ispaniya, “Jirona”
Pau Kubarsi, Ispaniya, “Barselona”
Aleks Baena, Ispaniya, “Vilyarreal”
Fermin Lopes, Ispaniya, “Barselona”
Migel Guterres, Ispaniya, “Jirona”
Samu Omorodion, Ispaniya, “Atletiko” Madrid
Eldor Shomurodov, O‘zbekiston, “Roma”
Xulio Ensiso, Paragvay, “Brayton”
Ro‘yxatdan ko‘rinib turibdiki, eng ko‘p yulduz o‘yinchilarni Argentina, Ispaniya va Frantsiya terma jamoalari jamlagan. Futbol ekspertlari aynan mana shu terma jamoalarni Olimpiya o‘yinlari g‘olibligiga asosiy da’vogar sifatida e’tirof etmoqda.
O‘zbekiston terma jamoasi etakchisi Eldor Shomurodov Olimpiya o‘yinlarida qatnashadigan eng mashhur o‘yinchilar ro‘yxatiga kiritilgan yagona osiyolik futbolchi hisoblanadi.
Musobqaning “S” guruhidan o‘rin olgan hamyurtlarimiz pley-offga chiqish uchun Ispaniya, Misr va Dominikan Respublikasi futbolchilari bilan bellashadi.
Kvartetdagi har bir terma jamoada Olimpiadaning mashhur futbolchilari ro‘yxatiga kiritilgan futbolchilarning borligi bellashuvlarning keskin va murosasiz o‘tishidan dalolat beradi.
Fikrlar