Шомуродов қайси жамоани танлайди?

“Рома” январда бир уринишда иккита трансферни ҳал қилмоқчи. Биринчи навбатда, “бўрилар” анчадан бери Жозе Моуриньо нишонида турган норвегиялик ҳужумчи Ола Сольбаккенни ўз сафига қўшиб олади.

24 ёшли ҳужумчи ўтган мавсумда Конференциялар лигаси доирасида “Рома” дарвозасини ишғол қилиб, ўз ҳаракатлари билан португалиялик мураббийда катта таассурот қолдирган эди. “Рома” спорт директори Тьягу Пинто ўшандан бери ҳар икки қанотда ўйнай оладиган вингер билан алоқани ушлаб турибди.

Бўлажак трансфер борасида деярли барча масала римликлар учун ҳал бўлган.  Ола Сольбаккеннинг ўзи ўша пайтдаёқ Римга кўчиб ўтишга розилик берган. Бироқ, “Будё-Глимт” янги мавсумнинг муҳим учрашувлари олдидан уни ёзда қўйиб юборишни истамади. Энди 31 декабрда томонларнинг ўзаро келишуви тугайди.

Бундан ташқари, Сольбаккен учун “Наполи” анча жиддий курашди. Лекин неаполликлар бирданига норвегиялик ўйинчини олиш фикридан қайтгани “Рома”га анча қўл келадиган бўляпти.

Демак, Ола Сольбаккен “Будё-Глимт” билан шартномаси якунланиши билан А Серияга кўчиб ўтиши кутилмоқда.

Бу футболчи “РосеборгII” жамоаси тарбияланувчиси ҳисобланади ва яна “Ранхейм” клуби шарафини ҳам ҳимоя қилган. 2020 йилнинг январида “Будё-Глимт” сафига қўшилган эди.

Сольбаккен фаолияти давомида клублар миқёсида жами 132 та учрашувда майдонга тушиб, 24 та гол ва 33 та ассист муаллифи бўлган.

“Рома” Сольбаккенни рўйхатдан ўтказиш учун унга жой очиши керак. Кетадиган биринчи номзод Элдор Шомуродов экани айтилмоқда. Ёзда легионеримизга Италия, Франция, Германия, Туркия, Россия, Саудия Арабистони клубларидан қизиқиш бўлганди. Лекин “Рома”  раҳбарияти, хусусан, Жозе Моуриньо ҳужумчимизни қўйиб юбормади.

Энди вазият ўзгариши мумкин. Энг ачинарлиси, Элдор яхши спорт формасида бўлишига қарамай, унга ўйин амалиёти деярли берилмаяпти.

Италия матбуоти январь ойида бўладиган трансфер бозорида Элдор Шомуродовга етарлича таклифлар бўлишини ёзмоқда.

Ҳозирча, ҳамюртимиз олдида иккита вариант турибди.

- “Болонья” ҳамон Шомуродов атрофидаги вазиятни кузатиб бормоқда. Улар ёзда ҳужумчини ўз жамоасига олиб келмоқчи эди. “Рома” қўйган талаблар болоньяликларга тўғри келмади. Лекин энди музокаралар бошқа талаблар асосида қайта тикланади.

“Торино” варианти ҳам бор. Туринликлар Шомуродов вакиллари билан анчадан бери алоқани ушлаб турибди. Юрич жамоаси ҳужумчи қидиряпти ва биринчи номзод Элдор Шомуродов ҳисобланади, деб ёзмоқда машҳур нашрлардан бири La Repubblica газетаси.

Қишки трансфер мавсуми яқинлашган сари Элдорнинг харидорлари сони ҳам кўпаяди. Бироқ, ҳаммаси январда ҳал бўлади.

А Серия клуби: Номзодлар кўп, асосий нишон – Шомуродов!

Шомуродовнинг вазифаси бошқа футболчига юкланди!

Абдухолиқов янги асрнинг энг зўр легионер тўпурари бўлиши кутилмоқда!

Шомуродов кетади(ми?)...