"So‘g‘diyona" klubining yangi murabbiyi ma’lum

Xabaringiz bor, Superliga 4-turidan o‘rin olgan "Dinamo" - "So‘g‘diyona" uchrashuvidagi mag‘lubiyatdan so‘ng Sergey Lushchan iste’fo berganini matbuot anjumanida ma’lum qilgandi.

Shundan so‘ng jizzaxliklar rahbariyati tezda murabbiylik kursisiga nomzod qidirishdi. SPORTS.uz saytiga ma’lum bo‘lishicha, "So‘g‘diyona" klubini endi "Buxoro" klubining sobiq ustozi Ulug‘bek Baqoev boshqarmoqda. Ammo klub rasmiy sayti hozircha bu haqda ma’lumot bermagan.