Тўпурар легионеримиз яна “кўтарила” бошлади!
Қозоғистон Премьер-лигасида жорий мавсумда асосан учта кучли жамоа – “Қайрат”, “Актобе” ҳамда “Ордабаси” футболчилари чемпионлик учун курашмоқда.
Ўзбекистонлик футбол мухлисларини амалдаги чемпион “Ордабаси” ва бу йил ташкил топганининг 70 йиллик юбилейини чемпионлик билан нишонлашга тайёргарлик кўраётган “Қайрат”нинг натижалари кўпроқ қизиқтиради.
Чунки “Ордабаси” сафида икки нафар футболчимиз – Шаҳбоз Умаров ва Жасур Яхшибоев тўп тепмоқда. Иброҳимхалил Йўлдошев эса, “Қайрат”ни чемпион қилишга уриняпти.
Аслида Қозоғистон Премьер-лигасида яна бир легионеримиз – Шоҳназар Норбеков ҳам бор. Бироқ у ўйнаётган “Қайсар” жамоасида олтин медаль учун курашиш имконияти пастроқ. Бироқ, бу жамоа анча мазмунли ўйин кўрсатмоқда ва имкон қадар мусобақа жадвалида юқори ўринларга даъвогарлик қилади.
Қўшни мамлакат чемпионати юқори дивизионида Жасурбек Яхшибоев 17-турнинг ҳақиқий қаҳрамонларидан бўлди. 27 ёшли ҳужумкор футболчи “Шахтёр” майдонида ўтказилган учрашувда дубль қайд этди, жамоадошига голли пас узатди ва “Ордабаси”нинг 3:2 ҳисобидаги қийин ғалабасини таъминлаб берди.
Яхшибоев сермаҳсуллигини ошириш баробарида Премьер-лиганинг тўпурарлар пойгаси ва чемпионатнинг энг фойдали ўйинчилари рейтингида бирдан кўтарилди.
Ўзбек ҳужумчиси ҳисобидаги голлари сонини еттитага етказиб, яққол пешқадамга айланди. Бунинг учун унга 11 та учрашув кифоя қилди.
Тўпурарлар рейтинги қуйидаги кўринишга келди:
7 – Яхшибоев (“Ордабаси”)
6 – Жоао Пауло (“Қайрат”), Чесноков (“Тобол”)
5 – Самородов (“Актобе”), Громико (“Қайсар”), Умаев (“Актобе”)
Чемпионат ассистентлари рейтингига “Қайсар”даги легионеримиз Шоҳназар Норбеков киритилди. Етакчи ассистентлар рўйхати қуйидагича бўлди:
5 – Тагиберген (“Ордабаси”)
4 – Шомко (“Елимай”), Ал-Мессауди (“Тобол”)
3 – Исламхан, Шехович (“Ордабаси”), Жаколиш (“Турон”), Балтабеков (“Жетису”), Кургин (“Қайрат”), Самородов, Кенесов, Умаев (“Актобе”), Березкин (“Қизилжар”), Норбеков (“Қайсар”), Асранкулов (“Тобол”)
Премьер-лиганинг энг фойдали ўйинчисини аниқлашга қаратилган гол+пас тизимида натижаларга кўра Жасурбек Яхшибоев биринчи поғонани банд этди.
Рейтинг билан танишинг:
9 – Яхшибоев (“Ордабаси”, 7 та гол+2 та ассист)
8 – Жоао Пауло (“Қайрат”, 6+2), Самородов (“Актобе”, 5+3), Умаев (“Актобе”, 5+3)
7 – Громико (“Қайсар”, 5+0, “Қайрат”, 0+2), Березкин (“Қизилжар”, 4+3)
6 – Чесноков (“Тобол”, 6+0), Иванович (“Тобол”, 4+2), Алвес Дос Сантос (“Елимай”, 4+2), Ал-Мессауди (“Тобол”, 2+4).
Қозоғистон Премьер-лигасининг навбатдаги турининг марказий учрашувида “Ордабаси” асосий рақобатчиларидан бири “Актобе”ни қабул қилади.
Шомуродовга идеал вариантлар бор...
Файзуллаевнинг жароҳати жиддийми? (фото)
Фикрлар