Японияда гол урган Шомуродов ўйиндан кейин ўткир фикр билдирди!

Жозе Моуриньо мураббийлигидаги “Рома” Японияда ташкил этилган ўқув-машғулот йиғинини якунлади.

Йиғин охирида римликлар “Йокогама Фаринос” жамоаси билан ўртоқлик учрашувида куч синашди. Голларга бой бўлган баҳс 3:3 ҳисобида дуранг натижа билан тугади. Римликларни мағлубиятдан қутқариб қолган тўпни сўнгги дақиқаларда Элдор Шомуродов киритди.

Учрашувдан кейин легионеримиз ўз фикр-мулоҳазалари билан ўртоқлашди. Элдор интервьюда қуйидагича жавоб берди.

Баҳс ҳақида

Аслида мен кўпроқ гол ура оламан. Нафақат мен, бошқалар ҳам. Бизда жуда кўп қулай вазиятлар юзага келди, лекин улардан унумли фойдаланиш борасида кўпроқ ишлашимиз керак. Бу очиқ ўйин бўлди ва шунинг учун ҳам бўш ҳудудлар кўп эди. Бунақа вазиятда ўйнаш анча қулай, бу устунликлардан фойдаланиш мумкин.

“Йокогама Фаринос” ҳақида

Бу жуда яхши жамоа. Уларнинг футболчилари анча дадил ўйнади. Стадионга келган мухлислар ҳам яхши ўйиндан мамнун бўлдилар, - деб ўйлайман.

Мухлислар ҳақида

Стадионга келиб, футболчиларни қўллаб-қувватлаб турган мухлисларга раҳмат. Бу ерда “Рома”га ишқибозлик қилувчи фанатларнинг кўплигида жуда хурсанд бўлдик.

Энди “Рома” футболчилари Римга қайтади ва уларга икки ҳафта атрофида таътил берилади.

Шундан кейин Жозе Моуриньо шогирдларини ўз юртига олиб кетади. Дастлабки маълумотларга кўра, “Рома” футболчилари 15-22 декабрь кунлари Португалиянинг Албуфейра шаҳрида иккинчи ўқув-машғулот йиғинини ўтказади.

А Серия ўйинлари 4 январдан давом эттирилади. Шу куни  “Рома” ўз майдонида “Болонья” футболчилари билан куч синашади.

Шомуродовнинг голи “Рома”ни мағлубиятдан қутқарди. Энди Моуриньонинг муносабати ўзгарадими?

Вазият Шомуродов истагандек эмас!

Ўрунов жамоасиз қолганининг ҳақиқати очилди!

Шомуродов ва Абрахамдан кейин Дибала ҳам “Рома”дан кетадиган бўляпти!