Ҳасанбой Дўсматовнинг Бибосинов устидан ғалабасини қозоғистонликлар қандай баҳолади?

Хитойнинг Ханчжоу шаҳри мезбонлик қилаётган ёзги Осиё ўйинларининг бокс мусобақасида энг кўп кутилган жанглардан бири Ҳасанбой Дўсматов ва қозоғистонлик Сакен Бибосинов ўртасида бўлди.

Бу икки чарм қўлқоп устасининг рақобати уч йилдан бери мухлису мутахассислар эътиборида туради. Бибосинов 2021 йили Белграддаги жаҳон чемпионатида Ҳасанбойдан устун келган эди. Кейинги йили ўзбек боксчиси Аммандаги қитъа чемпионатида реванш олишга муваффақ бўлди.

Ҳасанбой ва Сакен ўртасидаги учинчи тўқнашув жорий йил бошида Тошкент мезбонлик қилган жаҳон чемпионатида юз бериши кутилганди. Бироқ Бибосинов саралаш учрашувларидан бирида мағлуб бўлиб, мусобақани эрта тарк этди.

Ҳасанбой Дўсматов эса, барча рақибларини енгиб, жаҳон чемпиони бўлди. Шу тариқа, ҳамюртимиз уч йирик мусобақа – Олимпия ўйинлари, жаҳон ва Осиё чемпионатида ғолиб чиққан кам сонли чарм қўлқоп усталари қаторига қўшилди.

Бу коллекция тўлиқ бўлиши учун андижонлик боксчига Осиё ўйинларининг олтин медали етишмаяпти.

Дўсматов мана шу медаль йўлида Сакен Бибосиновга тўқнаш келди. Осиё ўйинларининг бокс мусобақаси 51 килограмм вазн тоифасидаги 1/8 финалда ўзбек боксчиси яна бир бор устунлик қилди. Жанг 4:1 ҳисобида ҳамюртимиз фойдасига ҳал бўлди.

Дўсматов медаль учун юришни давом эттирадиган бўлса, Бибосинов эса, мусобақадан чиқиб кетди. Бу икки чарм қўлқоп усталарининг ўзаро ҳисоб-китобидаги натижа 2:1 кўринишига келди.

Ўз даврида профессионал бокснинг IBA версияси бўйича жаҳон чемпионлиги камарига эга чиққан қозоғистонлик таниқли чарм қўлқоп устаси  Марат Мазимбаев кўпчиликнинг эътиборидаги жангга ўз муносабатини билдирди.

- Боксчилар яқин масофадандан жанг олиб борди. Буларнинг ҳар иккиси ҳам бир-бирига муносиб рақиб. Сакен қандай хатоларга йўл қўйди? Ўзимизнинг боксчиларимизга мухлислик қилар эканмиз, бу борада бирор нимани шарҳлаш жуда қийин.

Жуда аламли мағлубият бўлди. Кўпроқ ишлаш керак эди. Биринчи раундда Сакен ташаббусни бериб қўйди. Биринчи рақамда ишлаш керак эди. Шу боис, ҳакамлар устунликни ўзбек боксчисига берди.

Менинг назаримда ҳаммаси адолатли бўлди, - деди Марат Мазимбаев.

Легионеримизнинг голи жамоасини чемпионликка яқинлаштирди, ўзи эса...

Раньери гол ура олмаётган Шомуродов ҳақида нималар деди?

Аббосбек Файзуллаев Испанияга йўл олиши керак...

Файзуллаев Европага кетмоқчи эди...

Файзуллаев қаерда ўйнаши кераклигини айтишди

Шомуродовдан гол уришни талаб қилишяпти!

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Фанатлар Шомуродовдан нимани талаб қиляпти?

Шомуродовдан қандай қилиб максимум фойда чиқариш мумкин?