Легионеримизнинг голи жамоасини чемпионликка яқинлаштирди, ўзи эса...

Қозоғистон Премьер-лигаси қизғин паллага кирди. Ўзбекистонлик мухлислар қўшни мамлакат чемпионатида “Ордабаси”га мухлислик қиляпти. Чунки чимкентликлар таркибида икки футболчимиз – Шаҳбоз Умаров ва Бобур Абухолиқов тўп тепяпти.

“Ордабаси” мусобақа жадвалида қолган жамоалардан анча илгарилаб кетгани боис, аксарият мухлису мутахассислар чимкентликларни муддатидан олдин чемпионликни қўлга киритишини кутган эди.

Бироқ, чимкентликлар охирги учта ўйинда очко йўқотди. Аламлиси, кетма-кет энг яқин таъқибчилари – “Актобе” ва “Астана”га бир хил – 1:2 ҳисобида имкониятни бой берди. Бунинг оқибатида, чемпионлик учун кураш сўнгги тургача давом этадиган бўлди.

Мусобақа жадвалидаги ҳолатдан келиб чиқиб, “Ордабаси”нинг 18-турнинг қолдирилган ўйинида “Мактаарал”га қарши беллашуви жуда муҳим аҳамият касб этди. Рақиб қуйи поғоналарда бораётганига қарамай, чимкентликларга жиддий қаршилик кўрсатди.

“Ордабаси” бир соат давомида меҳмонлар дарвозасига йўл топа олмади. Бироқ ўзбек легионери Бобур Абдухолиқов катта саҳнага чиқди. Тўпни қабул қилиб олган ҳужумчи жарима майдончасига кирмай, аниқ зарба бериб, дарвозани ишғол қилди.

Абдухолиқовнинг голи жамоасига  уч очко келтирди ва чемпионат якунланишига учта ўйин қолган паллада “Ордабаси” энг яқин таъқибчиси “Астана”ни уч очкога ортда қолдирмоқда.

Қозоғистоннинг нуфузли нашрларидан бири – Sports.kz портали 18-турнинг қолдирилган ўйини натижаларини ҳисобга олиб, Бобур Абдухолиқовни тур терма жамоасига киритди.

Рамзий жамоа қуйидагича кўриниш олди.

Бобур Абдухолиқов йил бошидан бери “Ордабаси” жамоаси шарафини ҳимоя қилмоқда. Шаҳбоз Умаров бу жамоага Бобурдан ярим йил олдин келган.

Ҳар икки легионеримиз жамоанинг етакчи ўйинчиларидан ҳисобланади. Абдухолиқов 23 та учрашувда майдонга тушиб, рақиблар дарвозасини етти маротаба ишғол  қилган.

Шаҳбоз Умаров йигирмата беллашувда қатнашиб, ўз ҳисобига бир жуфт гол ёздириб қўйган.

“Ордабаси” футболчилари чемпионатининг охирги учта ўйинида “Жетису”, “Шахтёр” ҳамда “Каспий” жамоаларига қарши майдонга тушади.

Раньери гол ура олмаётган Шомуродов ҳақида нималар деди?

Аббосбек Файзуллаев Испанияга йўл олиши керак...

Файзуллаев Европага кетмоқчи эди...

Файзуллаев қаерда ўйнаши кераклигини айтишди

Шомуродовдан гол уришни талаб қилишяпти!

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Фанатлар Шомуродовдан нимани талаб қиляпти?

Шомуродовдан қандай қилиб максимум фойда чиқариш мумкин?