Ҳусановнинг дўстини маҳалладан кўчириб юборишди

“Манчестер Сити”нинг асосий ўйинчиларидан ҳисобланган Фил Фоден майдондан ташқарида оилавий муаммоларни ҳам ҳал қилишига тўғри келмоқда.

Фоден 2021 йили оиласи учун ҳашаматли уй сотиб олган эди ва муайян муддат шу ерда ота-онаси билан бирга яшаган. Бироқ кейинчалик футболчи ўз севгилисиникига кўчиб ўтганди.

Энди Фоденлар оиласи бу уйни 3 миллион фунтга сотувга қўйди.  The Sun нашрининг ёзишича, машҳур оила қўшнилар билан зиддиятга борган.

Атрофдаги хонадон эгаларини Фоденлар уйида ташкиллаштирилаётган зиёфатлар, ўтиришларнинг кўплиги, улар тинимсиз шовқин солаётгани безовта қиляпти.

Яқинда “Олд Траффорд”да ўтказилган Манчестер дербисида “Юнайтед” фанатлари Фил Фоденнинг онасини ҳақорат қилганди. Бу ҳолат ўйинчига оғир ботди.

Эслатиб ўтамиз, Фил Фоден Абдуқодир Ҳусанов Франциянинг “Ланс” клубидан “Манчестер Сити”га кўчиб ўтган дастлабки кунларда ўзбекистонлик легионерни қўллаб-қувватлаган ва машғулотларда унга ёрдам берган эди.

Фил Фоден клуб тарбияланувчиси ҳисобланади. 24 ёшли ҳужумкор футболчи биринчи жамоага 2017 йили қабул қилинган. Бир неча позицияда ўйнай оладиган Фоден ҳозирга қадар клублар миқёсида 352 та учрашувда иштирок этиб, рақиблар дарвозасини 118 маротаба ишғол қилган ва жамоадошларига 73 та голли пас узатган.

Айни пайтда transfermarkt.world портали эеспертлари томонидан 130 миллион еврога баҳоланаётган футболчининг “шаҳарликлар” билан амалдаги шартномаси 2027 йилнинг ёзигача давом этади.

Кевин де Брюйне қаерда ўйнашини оиласи ҳал қилади

“Манчестер Сити”нинг сўнгги йиллардаги муваффақиятларида катта роль ўйнаган Кевин де Брюйне мавсум охирида клубни тарк этишини расман эълон қилди.

Энди бельгиялик плеймейкер фаолиятини қаерда давом эттиришини ҳал қилиши керак. Анчадан бери унинг хизматларига Саудия Арабистони клублари қизиқиш билдирмоқда.

Кевинга АҚШнинг бир неча клуби, хусусан, Лионель Месси ўйнаётган “Интер Майами”дан ҳам қизиқиш бор.

Сўнгги маълумотларга қараганда, июнь ойида 34 ёшни қарши оладиган ярим ҳимоячи Англия Премьер-лигасида қолиши ҳам мумкин.

-  Энди ёш эмаслигимни ўзим ҳам биламае. Шунга қарамай, ҳали яна юқори даражала ўйнай олишимга ишонаман. Менга қайси жамоалар қизиқаётганини билмайман. Лекин ҳар қандай лойиҳани муҳокама қилишга тайёрман. Англиядаги фаолиятимни ҳам якунланди, деёлмайман.

“Манчестер Сити”дан кетиш ҳақидаги қарор яқинда қабул қилинди. Футболда ҳеч нарсани бир ҳафта ичида ҳал қилиб бўлмайди.   

Энг аввало, оилам билан гаплашаман, уларнинг мақсадини ўрганаман, маслаҳатини оламан. Кейин менга қизиқаётган жамоаларни кўриб чиқаман. Шунинг учун ҳам ҳозирдан мени олдинда нималар кутиб турганини билмайман, - деди Кевин де Брюйне.

“Манчестер Сити” Ҳусанов келган лигадан яна ўйинчи олади

“Манчестер Сити” январь ойида Франция юқори дивизионида “Ланс” шарафини ҳимоя қилаётган Абдуқодир Ҳусановни жами 50 миллион еврога трансфер қилган эди.

Энди “шаҳарликлар” Лига 1 жамоаларидан яна бир истеъдодни топди.

L'Equipe нашрининг маълум қилишича, манчестерликлар назарига “Монако”да ўйнаётган ҳужумкор футболчи Магнес Аклиуш тушган.

23 ёшли футболчининг ўйинларини Франция футболи гегемони “Пари Сен-Жермен” ҳам жиддий тарзда кузатиб бормоқда.

Ҳар икки жамоа франциялик футболчини ёзда трансфер қилмоқчи. Бу ўйинчи “Монако” сафида 38 та учрашувда олтита гол уриб, тўққиз бор голли пас узатди. Унинг амалдаги шартномаси 2028 йилнинг ёзигача амал қилади.

Transfermarkt портали экспертлари қанот ҳужумчисини 40 миллион еврога баҳоламоқда.

“Зидан финти”ни қўллаган Шомуродовнинг ўйини қандай баҳолади?

“Манчестер Сити” Ҳусанов орқали янги бизнесни йўлга қўйди!

Бугун ўйин: Гвардиола Ҳусановни майдонга туширадими?

Шомуродов худбин эмас! Раньери Элдор ҳақида яна қандай фикр билдирди?

Шомуродов мухлисларга мурожаат йўллади!